Techaskaja palicyja zatrymała amal 200 čałaviek pa padazreńni ŭ dačynieńni da maštabnaj pierastrełki pamiž bajkierami, u chodzie jakoj 17 maja zahinuli dzieviać čałaviek.
U palicyi ŭdakładnili, što abvinavačvańnie va ŭdziele ŭ arhanizavanaj złačynnaj hrupie płanujuć pradjavić 192 mierkavanym udzielnikam pierastrełki. Jany pradstaŭlali piać roznych bajk-kłubaŭ.
Masavaja pierastrełka pamiž bajkierami adbyłasia 17 maja ŭ bary «Tvin Piks» u horadzie Uejka. Pavodle papiarednich dadzienych, kanflikt pačaŭsia z bojki ŭ prybiralni bara i pieraros va ŭzbrojeny kanflikt, padčas jakoha było zroblena niekalki sotniaŭ strełaŭ.
Usiaho ŭ vyniku pierastrełki zahinuli dzieviać čałaviek, jašče nie mienš za 18 atrymali ranieńni. Pry hetym u palicyi adznačyli, što ni siarod zabitych, ni siarod paranienych niama vypadkovych naviedvalnikaŭ, jakija nie naležać da bajk-kłubaŭ.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary