Śledčy kamitet RF raspačaŭ spravu ŭ dačynieńni da Uładzimira Katruka, jaki prymaŭ udzieł u zabojstvach žycharoŭ vioski Chatyń padčas Druhoj suśvietnaj vajny. Pra heta paviedamiŭ aficyjny pradstaŭnik SK RF Uładzimir Markin.
«Hałoŭnym śledčym upraŭleńniem SK Rasii raspačataja kryminalnaja sprava ŭ dačynieńni da Uładzimira Katruka, padazravanaha ŭ ździajśnieńni złačynstva, praduhledžanaha st.357 KK RF (hienacyd)», — skazaŭ jon.
«Rasija, jak pravapierajemnik SSSR, uziała na siabie abaviazacielstvy pa kryminalnym pieraśledzie nacysckich złačyncaŭ i budzie damahacca ekstradycyi Katruka, jaki znachodzicca za miežami našaj krainy», — adznačyŭ Markin.
Uładzimir Katruk z 1951 hoda pražyvaje ŭ Kanadzie. Kanada ŭ 1999 hodzie pazbaviła jaho hramadzianstva, kali vyjaviłasia praŭda pra jaho vajennyja złačynstvy. Ale ŭ listapadzie 2010 hoda sud viarnuŭ jamu kanadskaje hramadzianstva.
U 2012 hodzie aktyvistam niaŭradavaj arhanizacyi «Centr Vizientala» ŭdałosia znajści dakumienty, jakija paćviardžajuć, što Katruk asabista rasstrelvaŭ žycharoŭ Chatyni ŭ 1943 hodzie.
-
«Heta nie hłupstva, heta nianaviść». U Francyi pratestoŭcy padpalili ratušu XIX stahodździa VIDEA
-
«Sprabujem zrabić jak u Francyi». U Ałbanii piaty dzień sutyknieńni z palicyjaj, pratestoŭcy patrabujuć adstaŭki premjera
-
U Francyi pratesty supravadžajucca pahromami i padpałami. Zatrymali 1200 čałaviek
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy10
Kamientary