Bieraściejskija aktyvisty BSDP(H), partyi BNF, kampanii «Havary praŭdu», dy inšych arhanizacyjaŭ uskłali kvietki na mahile miascovaha dziejača BNR Adama Trypusa.
U akcyi ŭziali ŭdzieł bolš za dziasiatak čałaviek. Prysutnyja vystupili z pramovami, krajaznaŭca Antoś Dackievič raspavioŭ pra historyju ŭtvareńnia BNR. Aktyvisty BSDP(H) razharnuli partyjny bieł-čyrvona-bieły ściah z ružaj. Naprykancy aktyvisty vyhuknuli «Žyvie Biełaruś!».
Kiraŭnik Bieraściejskaj filii partyi BNF Źmicier Šymanski:
«My musim ušanoŭvać Dzień Voli na mohiłkach. Adnačasova zaraz taki i śviatočny nastroj, i sumny. Ale 25 sakavika — hałoŭnaje śviata biełaruskaj dziaržavy. U asnovie siońniašniaj dziaržavy lažać tyja idei niezaležnaści, jakija byli ahučanyja pradstaŭnikami Biełaruskaj Narodnaj Respubliki ŭ 1918 hodzie»
Pomnik dziejaču BNR, aficeru i nastaŭniku Adamu Trypusu na Tryšynskich mohiłkach Bieraścia ŭstalavali i aśviacili ŭ 2008 hodzie. Z taho času ŭ dzień 25 sakavika bieraściejskija demakratyčnyja aktyvisty štohod prychodziać siudy ŭskłaści kvietki i ŭšanavać jaho pamiać.
Sioletniaja akcyja adbyłasia bieź incydentaŭ i zatrymańniaŭ, na mohiłkach nie było zaŭvažana ni milicyjantaŭ, ni ludziej u cyvilnym, jak u minułyja hady.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary