Biełaruś i Rasija razam pieraadolejuć lubyja ciažkaści. Ab hetym Alaksandr Łukašenka zajaviŭ siońnia pa vynikach praviedzienaha ŭ Maskvie pasiadžeńnia Vyšejšaha dziaržsavieta Sajuznaj dziaržavy.
president.gov.by
«Pa-roznamu staviacca da našych adnosinaŭ. Heta nievialikaja častka hramadstva i ŭ nas, i ŭ Rasii.
Ale tyja, chto dumaje, što my majem niepieraadolnyja prablemy, chaj supakojacca, my ich rasčarujem.
My ŭ hetaj składanaj situacyi viedajem, što rabić, i my damovilisia, što ź jaje budziem vychodzić razam, jak i naležyć brackim narodam», — skazaŭ kiraŭnik Biełarusi.
«Viedaju, što vam, uradu nie prosta ŭ hetyja časy. Ale my adčuvajem vašu padtrymku», — skazaŭ Alaksandr Łukašenka, źviartajučysia da Uładzimira Pucina.
Jon padkreśliŭ, što havorka idzie nie prosta ab padtrymcy, a ab sumiesnaj realizacyi maštabnych prajektaŭ u pieradavych halinach ekanomiki, takich jak atamnaja enierhietyka, kaśmičnaja śfiera.
«Upeŭnieny: my razam pieraadolejem lubyja ciažkaści. Ničoha ekstraardynarnaha nie adbyłosia. My prosta pracujem u novych umovach.
Da ich treba spakojna adaptavacca i dalej dziejničać, što my siońnia i prademanstravali. Vy možacie być upeŭnieny, što biełarusy hodna projduć svaju častku šlachu», - zajaviŭ Alaksandr Łukašenka.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary