Hramadzianina Rasii Uładzimira Sačkova abvinavačvajuć u «šeraj» schiemie pieradačy trafiku.
Uładzimir Sačkoŭ, były techničny dyrektar «Armienteła» i paŭnočna-zachodniaha «Vympiełkama» (abodva — handlovaja marka «Biłajn») i były hiendyrektar pa techničnych pytańniach velcom, ekstradyravany ŭ Armieniju, paviedamlaje CNews sa spasyłkaj na advakata Sačkova.
Žonka Sačkova raspaviała CNews, što padčas ekstradycyi ź Biełarusi prakuratura Armienii abiacała biełaruskim kaleham zabiaśpiečyć Sačkovu prava na abaronu, ale nie pradstaviła navat mahčymaści dać svaje tłumačeńni pa pradjaŭlenych abvinavačańniach. Rasijskaje konsulstva nie dała jamu abarony, niahledziačy na zvaroty rodnych.
Sačkoŭ byŭ zatrymany ŭ Biełarusi ŭ mai 2014 hoda. Jaho abvinavačvajuć u machlarstvie ź mižnarodnym trafikam i ŭchileńni ad vypłaty padatkaŭ.
U miežach kryminalnaj spravy suprać «Armienteła» šerah asob byŭ abvieščany ŭ mižnarodny vyšuk. Fihurantaŭ spravy padazrajuć u vyvadzie mižnarodnych telefonnych pieramoŭ u afšor. Raźbiralnictva inicyjavanaje pa zajavie samoha «Armienteła». Praź dziejańni złačyncaŭ Armienija niedaličyłasia padatkaŭ na 35 młn dalaraŭ.
U 2013 hodzie Sačkoŭ pakinuŭ «Armienteł», a na pačatku 2014 hoda staŭ namieśnikam hiendyrektara pa techničnych pytańniach velcom. Zaraz hetuju pasadu ŭ velcom zajmaje Mładen Piejkavič.
Sam Sačkoŭ admaŭlaje abvinavačańni dy śćviardžaje, što parušeńni byli vyjaŭlenyja ŭžo paśla jaho sychodu z kampanii.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary