Na ŭručeńni 87-j premii Amierykanskaj akademii kinamastactva «Oskar» najlepšym zamiežnym filmam pryznana stužka «Ida» brytanskaha kinarežysiora polskaha pachodžańnia Paŭła Paŭlikoŭskaha. Pryz praročyli rasijskamu «Levijafanu».
Dziejańnie «Idy» adbyvajecca ŭ Polščy 1950-ch. I choć u niemałoj stupieni jaŭrejski skład Akademii nie moh zastacca abyjakavym da ščymlivaj historyi maładoj katalickaj pasłušnicy, jakaja napiaredadni pryniaćcia manastva daviedałasia pra svajo jaŭrejstva i ŭskryvaje strašnuju historyju hibieli siamji ŭ Chałakoście, ale zvodzić karcinu Paŭlikoŭskaha tolki da jaŭrejskaj temy było b spraščeńniem, piša Bi-Bi-Si.
Siamja Paŭlikoŭskaha emihravała z sacyjalistyčnaj Polščy ŭ 1971 hodzie, kali jamu było 14 hadoŭ, i čorna-biełaja, nievierahodna stylnaja «Ida» bliskuča pieradaje zadušlivuju, ciažkuju atmaśfieru paślavajennaj Polščy, u jakoj kamunizm i katalicyzm paśpiachova dapaŭniajuć adzin adnaho ŭ padaŭleńni duchu svabody, dadaje Bi-Bi-Si.
Cikava, što «Ida» ŭziała čatyry ŭznaharody na XX Minskim mižnarodnym kinafiestyvali «Listapad» u 2013 h. Tady film byŭ paznačany, jak sumiesny polska-dacki prajekt.
«Ida» atrymała ŭ 2013 h. Hran-pry za najlepšy film («Zołata «Listapada»), pieramohi ŭ naminacyjach «Film jak źjava mastactva» («Srebra «Listapada»), «Za najlepšuju žanočuju rolu druhoha płanu» (aktrysa Ahata Kuleša) i «Za najlepšuju apieratarskuju pracu imia Juryja Maruchina» (apieratary Łukaš Žal i Ryšard Lenčeŭski).
Trejler 2013 h.
Trejler 2014 h.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary