Dźvie traciny z vas zarehistravanyja ŭ sacsietcy Google i nie karystajucca joj
U sacyjalnaj sietcy Google+ zarehistravanyja bolš za 2/3 karystalnikaŭ internetu ŭ śviecie. Ale pišuć u jaje tolki 4-6 miljony, vynikaje z daśledavańnia Edvarda Morbijusa.
Pavodle acenki fajłaŭ karty sajta (sitemap), u Google+ naličvajecca 2,2 miljardy profilaŭ. Ničoha dziŭnaha ŭ takoj šalonaj ličbie niama: u Google+ aŭtamatyčna traplaje luby zarehistravany na YouTube, Gmail i inšych siervisach Google, u tym liku absalutnaja bolšaść karystalnikaŭ smartfonaŭ na Android.
Dumajecie, vy nie zarehistravanyja ŭ Google+? Pasprabujcie zajści na plus.google.com sa svaim parolem ad pošty GMail. Pavodle statystyki, dźvie traciny z vas tam jość.
Takaja palityka rehistracyi nie pryniesła asablivaj papularnaści sacsietcy. Tolki 200 młn čałaviek choć raz pakinuli niejki zapis u Google+. Kala 37% z tych zapisaŭ — kamientary na Youtube, što ekspartujucca ŭ sacsietku biez udziełu karystalnika. Kala 8% z zapisaŭ — źmiena avatarki. 31% karystalnikaŭ nie raźmiaščali nijakich zapisaŭ z 2013 hoda.
Za pieršyja 18 dzion 2015 hoda tolki 0,2-0,3% (4,4 młn z 2 młrd) karystalnikaŭ samastojna raźmiaścili niejki tekstavy zapis.
Google+ była zapuščanaja ŭ siaredzinie 2011 hoda. Heta nie pieršaja sacsietka Google, da jaje kampanija vałodała ŭžo zakrytymi Dodgeball (2000-2009), Orkut (2004-2014), Jaiku (2006-2012), Google Buzz (2010-2011).
Hałoŭnyja kankurenty Google+ pačuvajuć siabie lepiej. Pa źviestkach expandedramblings.com, Facebook karystajucca 1,35 młrd čałaviek štomiesiac (ahulnaja kolkaść akaŭntaŭ nieviadomaja), Twitter — 284 młn na miesiac (z pryblizna 1 młrd zarehistravanych), «UKantakcie» — 60 młn na miesiac (z 260 młn zarehistravanych).
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary