Dyrektarka ahienctva pa padbory surahatnych maci ŭ turmu nie siadzie
U spravie, jakaja ciahnułasia amal hod pastaŭlena kropka. Śledčy kamitet zaviaršyŭ rasśledavańnie kryminalnaj spravy i zakryŭ jaje na niereabilitujučych padstavach. Vyśvietliłasia, što biełaruskaje zakanadaŭstva da kantrolu takich pytańniaŭ akazałasia nie padrychtavana.
«U pracesie rasśledavańnia było ŭstanoŭlena, što dziejučaje zakanadaŭstva nie ŭ poŭnym abjomie dazvalaje efiektyŭna kantralavać praces ažyćciaŭleńnia surahatnaha maciarynstva ŭ Respublicy Biełaruś», — paviedamlaje pres-słužba Śledčaha kamiteta RB.
Havorka idzie pra Aksanu Kolesień — dyrektarku ahienctva «Surkansałt».
Jano było stvorana jašče ŭ 2007 hodzie, jak tolki ŭ Biełarusi aficyjna dazvolili surahatnaje maciarynstva. Pa słovach pradprymalnicy, jakaja, darečy, davoli achvotna kamientavała svaju pracu, ahienctva zajmałasia vyklučna padboram kandydatak na rolu maci.
Adnak na pačatku minułaha hoda ŭ dačynieńni Kolesień była raspačata kryminalnaja sprava.
Joj inkryminavali ździajśnieńnie złačynstva pa č.2 art.233 Kryminalnaha kodeksa Biełarusi (niezakonnaja pradprymalnickaja dziejnaść, spałučanaja z atrymańniem prybytku ŭ asabliva bujnym pamiery). Sankcyja hetaha artykuła praduhledžvaje pakarańnie da 5 hadoŭ pazbaŭleńnia voli. Jak zajaŭlali pravaachoŭniki, Aksana Kolesień ź lipienia 2010 hoda pa studzień 2014 h. zajmałasia pradprymalnickaj dziejnaściu pa supravadžeńni prahram surahatnaha maciarynstva, nie majučy dla hetaha śpiecyjalnaha dazvołu (licenzii), i niezakonna zajmałasia štučnym apładnieńniem. Ale ž, jak bačym, sprava razvaliłasia.
Pry hetym, sama Kolesień adkryta kazała pra zarobki ŭ halinie surahatnaha maciarynstva.
Pa jaje słovach, surahatnym maci ŭ Biełarusi płaciać kala 15 tysiač dołaraŭ za adno dzicia, plus 500 dalaraŭ u miesiac maci atrymlivaje, pakul jana ciažarnaja. Za hod ahienctva składała niekalki dziasiatkaŭ takich damovaŭ.
Pa infarmacyi Śledčaha kamiteta, za arhanizacyju sustreč budučych baćkoŭ i surahatnaj maci, pradprymalnica atrymlivała ad 2 da 4,5 tysiač jeŭra.
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai11
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8787
Kamientary