Alaksandr Łukašenka nie vyklučaje mahčymaści dalejšaha pavieličeńnia minimalnaha pracoŭnaha stažu dla pryznačeńnia pracoŭnych piensij.
Ab hetym kiraŭnik dziaržavy zajaviŭ siońnia na naradzie, dzie abmiarkoŭvalisia miery pa ŭklučeńni ŭ pracoŭnuju dziejnaść niepracujučych hramadzian.
U hetym kirunku, jak adznačyŭ kiraŭnik dziaržavy, u krainie ŭžo pryniaty šerah rašeńniaŭ. «Pa-pieršaje, pavialičany minimalny pracoŭny staž dla pryznačeńnia pracoŭnych piensij z 10 da 15 hadoŭ. My pryniali hetaje rašeńnie. I my damovilisia ab tym, što heta — pieršy krok.
Mahčyma, i nie 15, a 20 hadoŭ. Adpracuj — potym źviartajsia pa piensiju. Ale pakul — 15 hadoŭ», — skazaŭ kiraŭnik dziaržavy.
Akramia taho, na 5 hadoŭ pavyšany ŭzrost dla zvarotu pa minimalnuju sacyjalnuju piensiju pry adsutnaści patrabavanaha stažu pracy.
«Pahladzim u budučyni, moža, i tut dadatkova zrobim peŭnyja kroki. Heta dazvolić adsunuć pryznačeńnie piensii tym, chto pa žyćci nijakaha ŭkładu ŭ ekanomiku nie ŭnios.
Niachaj hetaja sacyjalnaja piensija i nievialikaja, ale kali pahladzieć u cełym, to heta miljardy rubloŭ, a ŭ hadavym vyličeńni, moža, i tryljony», — zaŭvažyŭ biełaruski lidar.
Kiraŭnik dziaržavy ličyć pravilnym pryniataje rašeńnie pra ŭzmacnieńnie ŭpłyvu praciahłaści pracoŭnaha stažu na pamier pryznačanaj piensii.
U cełym Alaksandr Łukašenka zapatrabavaŭ vyrašać prablemy efiektyŭnaj pracoŭnaj zaniataści, nie adkładvajučy hetyja pytańni ŭ doŭhuju skryniu. Na heta, u pryvatnaści, nakiravany prajekt adpaviednaha dekreta kiraŭnika dziaržavy.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary