Spyniłasia błakavańnie Chartyi, Navin, Salidarnaści, zabanienymi zastajucca Partyzan i UDF, ale čytačy navučylisia abychodzić błakadu
30 śniežnia ź Biełarusi možna było svabodna adkryć sajty Chartyi-97, Naviny.baj i Gazetaby.com.
Biełaruski partyzan zastavaŭsia zabłakavany. Jak i UDF.by. Uvajści na ich možna było tolki praz Opieru Turba, ananimajziery i h.d.
Niezaležnyja sajty trapili pad błakavańnie 19—21 śniežnia, u časie devalvacyi. Aficyjna pra zabaronu na dostup nie paviedamlali.
Adnak, jak kaža prymaŭka, «chicier Źmicier, a i Saŭka nie durny». U roli Saŭki ŭ dadzienym vypadku vystupili zabłakavanyja sajty i ich čytačy.
Anłajnier u toj ža dzień pieraadčyniŭsia na damenie Onliner.ru.
Žurnalisty «Chartyi» navučylisia časta mianiać DNS sajtaŭ, u vyniku čaho zabłakavanyja resursy adčynialisia i ŭ Biełarusi.
A čytačy lohka asvoili niachitryja sposaby adčyniać inšyja zabanienyja partały. Naprykład, adnym klikam myški ŭklučajuć u braŭziery «Opiera» režym turba.
Jak pakazvali internet-ličylniki, naviedvanaść zabłakavanych sajtaŭ źnizilisia, ale z tendencyjaj da adnaŭleńnia raniejšych pazicyj pa miery asvajeńnia aŭdytoryjaj alternatyŭnych sposabaŭ dostupu. Najbolšyja straty panios Anłajnier. Hety kamiercyjny resurs zhubiŭ kala 60% naviednikaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam23
Kamientary