Biełaruskija navukoŭcy raspracavali sapfiravaje škło dla LG
Navukovaja łabaratoryja Homielskaha dziaržaŭnaha ŭniviersitetu imia Skaryny prapanavała LG tanny varyjant atrymańnia sapfiravaha škła dla smartfonaŭ, pieradaje TUT.BY.
Univiersitet užo padpisaŭ kantrakt na supracoŭnictva z LG. Kali jakaść testavaj partyi zadavolić LG, možna čakać kantraktaŭ na masavuju vytvorčaść škła.
Novy sposab atrymańnia sapfiravaha škła dazvalaje paźbiehnuć stadyi płaŭleńnia, što robić praces tańniej biez straty jakaści.
U vieraśni 2014 hoda Dziarekamitet pa navucy i technałohijach paviedamiŭ ab zaklučeńni paŭsotni kantraktaŭ na sumu bolš za 2 młn dalaraŭ u miežach biełaruska-karejskaha supracoŭnictva.
***
Sapfiravaje škło moža zamianić u smartfonach zvykłaje siońnia kalonaje škło (najbolš viadomaje škło Gorilla Glass kampanii Corning). Pierad vychadam iPhone 6 chadzili čutki ab tym, što mienavita ŭ novym smartfonie Apple źjavicca sapfiravaje škło. Ale na śniežań 2014 hoda na rynku jość mienš za dziasiatak nie samych raspaŭsiudžanych smartfonaŭ z takim škłom.
Siońniašniaje sapfiravaje škło (nie biełaruskaj vytvorčaści) na 25% bolš ustojlivaje da drapin u paraŭnańni z Gorilla Glass. Ale pry padzieńni jano bjecca značna chutčej.
Kamientary