Staršynioj Tavarystva biełaruskaj movy na šosty termin abrany Aleh Trusaŭ
Na źjeździe TBM 2 listapada ŭ Minsku za Trusava prahałasavali ŭsie delehaty pry adnym, jaki ŭstrymaŭsia.
Trusaŭ uznačaliŭ TBM u kancy 1990-ch, kali arhanizacyja była ŭ kryzisie, i nadaŭ jaje dziejnaści dynamizmu. Ale pierad źjezdam hučali hałasy, što Tavarystvu patrebnaja śviežaja kroŭ. Tym nie mienš, achvotnych uznačalić 6-tysiačnuju arhanizacyju nie znajšłosia, tamu spravu musić praciahvać Trusaŭ.
Pad kiraŭnictvam Trusava TBM spačatku byŭ aktyŭnym udzielnikam demakratyčnaj apazicyi. Siabry TBM składali kaściak korpusa naziralnikaŭ na vybarach.
Kali ž paśla 2004 hoda ŭ krainie kansalidavaŭsia aŭtarytaryzm, Trusaŭ vyvieŭ TBM z palityki, kab zachavać arhanizacyju.
U toj ža čas movaabarončaja arhanizacyja aktyŭna łabiruje pytańni movy i kultury ŭ orhanach ułady centralnaha i miascovaha ŭzroŭniu. TBM maje šerah vielmi aktyŭnych supołak u rehijonach — ad Viciebska da Baranavič.
Kamientary