«Z nastupnaha hoda ŭ suviazi z zapuskam Jeŭrazijskaha ekanamičnaha sajuza adnosiny Rasii i Biełarusi atrymajuć novaje vymiareńnie», — zajaviŭ premjer-ministr Rasii Dźmitryj Miadźviedzieŭ, adkryvajučy 21 kastryčnika ŭ Minsku pasiadžeńnie Savieta ministraŭ Sajuznaj dziaržavy.
«My pierachodzim da novaha etapu intehracyi, dzie pavinna być zabieśpiačeńnie čatyroch svabod — tavaraŭ, pasłuh, pracoŭnaj siły i kapitału. Ale farmat Sajuznaj dziaržavy nie źnikaje, a pastupova ŭmacoŭvajecca. Uzajemadziejańnie Pastajannaha kamiteta Sajuznaj dziaržavy ź Jeŭrazijskaj ekanamičnaj kamisijaj nieabchodna pašyrać», — skazaŭ rasijski premjer.
Jon adznačyŭ, što sioleta nazirajecca źnižeńnie dvuchbakovaha tavaraabarotu — pryblizna na 4%. «Ale tut pryčyny roznyja, uklučajučy situacyju ŭ suśvietnaj ekanomicy, u nacyjanalnych ekanomikach, źniešnija faktary, jakija cisnuć na našy ekanomiki», — skazaŭ Miadźviedzieŭ.
Pry hetym jon padkreśliŭ, što jość mahčymaści dla pavieličeńnia dvuchbakovaha handlu, u tym liku za košt pavieličeńnia pastavak biełaruskich tavaraŭ na rasijski rynak. «Liču važnym, što ŭ ciapierašniaj niaprostaj situacyi my zachavali abjom biudžetu Sajuznaj dziaržavy ŭ pamiery piaci miljardaŭ rubloŭ», — dadaŭ Miadźviedzieŭ, adznačyŭšy, što biudžetnyja srodki buduć nakiravanyja na realizacyju sajuznych prahram u roznych śfierach.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary