Aeraport imia Džona Kienedzi ŭ Ńju-Jorku stanie pieršym ź piaci najbujniejšych aeraportaŭ ZŠA, dzie budzie ŭviedzieny ŭzmocnieny kantrol pasažyraŭ, jakija prybyli z krain ź virusam Eboła.
Pasažyry ź Libieryi, Śjera-Leone i Hviniei pavinny buduć adkazać na šerah pytańniaŭ i ŭ vypadku nieabchodnaści mohuć być padvierhnuty miedycynskamu ahladu.
Pravierki ŭ inšych aeraportach Ńju-Jorka, a taksama aeraportach Čykaha, Vašynhtona i Atłanty pačnucca ŭ bližejšyja dni.
U sieradu ŭ balnicy amierykanskaha štata Techas pamior pacyjent, jaki staŭ pieršym čałaviekam, u jakoha virus Eboła byŭ vyjaŭleny na terytoryi ZŠA.
Tomas Dankan, jaki zaraziŭsia hetaj infiekcyjaj ŭ Libieryi pierad pryjezdam u Złučanyja Štaty, utrymlivaŭsia ŭ poŭnaj izalacyi ŭ balnicy horada Dałasa.
Kamientary