Apple prezientavała 6-y iPhone i razumny hadzińnik Apple Watch FOTAREPARTAŽ
Na prezientacyi, što prajšła siońnia ŭ Kupiercina (Kalifornija) u «Flint-centry», hraŭ hurt U2, paviedamlaje LA Times.
Apple prezientavała dva novyja smartfony — iPhone 6 i iPhone 6 Plus z ekranami ŭ 4,7 i 5,5 cali adpaviedna. Prezientacyju vioŭ vykanaŭčy dyrektar Apple Cim Kuk.
Pavodle jaho słoŭ, heta, niesumnienna, najlepšyja smartfony z kali-niebudź vypuščanych kampanijaj Apple.
Jany źjaviacca ŭ prodažy19 vieraśnia.
Pačatkovaja cana iPhone 6 (z kantraktam na dva hady) — 199 dalaraŭ, a iPhone 6 Plus na 100 dalaraŭ daražej. Heta ŭ Amierycy.
Cana biez kantrakta pačynajecca ad $649, na iPhone 6 Plus - ad $749
Naprykład, paviedamlajecca, što ŭ Rasii smartfony buduć kaštavać 32 i 37 tys. rasijskich rubloŭ adpaviedna (h.zn. 9,05—10,4 młn biełaruskich).
Viersii smartfona z pamiaćciu ŭ 32 hihabajty ŭ novym pakaleńni niama — tolki na 16, 64 i na 128 HB.
Novyja smartfony adroźnivajucca ad svajho papiarednika iPhone 5S, siarod inšaha, vyhnutymi bakami, najaŭnaściu novaha pracesara A8, jaki ŭ 84 razy chutčejšy za papiaredni, i palepšanym akumulataram, paviedamlaje tvrain.ru.
Kolkaść kropak dyspleja IPhone 6 — bolš čym miljon piksielaŭ, a ŭ iPhone 6 Plus — dva miljony, što ŭdvaja bolš, čym ekran iPhone 5S. Chutkaść aŭtafokusu ŭ novaha smartfona taksama vyrasła ŭ dva razy.
Akramia taho, pamier panaram byŭ pavialičany da 43 miehapiksielaŭ.
Adnak kamiera ŭ IPhone 6 zastałasia 8-miehapiksielnaj, jak i ŭ jaho papiarednika. Zrešty, u kamiery iPhone 6 Plus jość aptyčnaja stabilizacyja. Novy smartfon moža zdymać videa ŭ 1080p pry 60 kadrach. Chutkaść slow-motion zamarudzili ŭ dva razy — da 240 kadraŭ u siekundu zamiest 120.
Taksama na prezientacyi paviedamili, što novaja apieracyjnaja sistema iOS 8 vyjdzie 17 vieraśnia.
Jana budzie dastupnaja dla ŭsich smartfonaŭ, pačynajučy z pakaleńnia 4S, a taksama dla płejera iPod touch 5, usich płanšetaŭ iPad mini i iPad, akramia samaha pieršaha płanšeta, vypuščanaha Apple.
Akramia taho, kampanija pradstaviła ŭłasnuju apłatnuju sistemu Apple Pay, jakaja budzie pracavać z dapamohaj NFC-čypa.
U zaklučeńnie Kuk prezientavaŭ absalutna novy pradukt kampanii — hadzińnik Apple Watch.
Hadžet budzie dastupny ŭ niekalkich kolerach, taksama budzie viersija z zołata. Hadzińnik siarod inšaha padtrymlivaje funkcyju hałasavych paviedamleńniaŭ, jakija, na dumku Apple, u chutkim časie mohuć stać asnoŭnym srodkam kamunikacyi.
LA Times paviedamlaje, što cana hadzińnika — ad 349 dalaraŭ u Amierycy, pradavacca jon pačnie z pačatku 2015 h.
Prezientacyja prajšła ŭ «Flint-Centry» u Kalifornii ŭ 20:00 pa Minsku. Za niekalki hadzin da hetaha Apple časova zakryła svajuinternet-kramu.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary