Kiraŭnictva «Danieckaj narodnaj respubliki» rychtujecca da abmienu pałonnymi ŭ farmacie «usich na ŭsich» i raźličvaje pravieści jaho 10 vieraśnia, zajaviŭ pieršy vice-premjer «DNR» Andrej Purhin.
«Pieršapačatkova mierkavałasia, što abmieny projduć u sieradu, my da hetaha rychtujemsia. Tak što ja miarkuju, što chutka my ŭbačym abmienienych pałonnych. Mianiać budziem usich na ŭsich», - rastłumačyŭ Purhin.
Akramia taho, jon paviedamiŭ, što ŭ «Danieckaj narodnaj respublicy» paniaćcie asablivaha statusu Danbasa razhladajuć jak atrymańnie niezaležnaści pry zachavańni ahulnych suviaziaŭ z Ukrainaj.
«Kožny bok moža traktavać paniaćcie ahulnaj statusu pa-svojmu. My pad hetym razumiejem zachavańnie niezaležnaści z ahulnaj kulturnaj, ekanamičnaj prastoraj z Ukrainaj», — adznačyŭ pieršy vice-premjer «DNR». Jon dadaŭ, što «ab viartańni ŭ skład Ukrainy havorka pakul nie idzie».
Pa słovach Purhina, u pratakole niama farmuloŭki, zhodna ź jakoj «narodnyja respubliki» pavinny viarnucca ŭ skład Ukrainy, i samo pytańnie statusu na pieramovach praktyčna nie abmiarkoŭvałasia.
Kamientary