Alaksandr Łukašenka padpisaŭ Ukaz «Ab znachodžańni hramadzian Ukrainy ŭ Respublicy Biełaruś», paviedamlaje pres-słužba kiraŭnika krainy.
Hety ŭkaz, havorycca ŭ kamientary da jaho, pryniaty ŭ suviazi z tym, što ciapier nazirajecca ŭstojlivaja tendencyja pavieličeńnia kolkaści hramadzian Ukrainy, jakija prybyvajuć u Respubliku Biełaruś z Danieckaj i Łuhanskaj abłaściej, pravavy status jakich u Biełarusi ŭ sacyjalnaj i pracoŭnaj śfierach maje patrebu ŭ urehulavańni.
Ukaz, u pryvatnaści, spraščaje praceduru pryznačeńnia dziaržaŭnych dapamoh hramadzianam Ukrainy, a taksama dazvalaje zabiaśpiečyć hramadzianam Ukrainy, jakija časova znachodziacca ŭ Respublicy Biełaruś, prava na atrymańnie daškolnaj, ahulnaj siaredniaj i śpiecyjalnaj adukacyi naroŭni ź niepaŭnaletnimi hramadzianami Respubliki Biełaruś.
Ukaz vyzvalaje hramadzian Ukrainy ad nieabchodnaści pradastaŭlać va ŭstanovy adukacyi Respubliki Biełaruś u metach zaličeńnia ich niepaŭnaletnich dziaciej dakumientaŭ, jakija nie mohuć być pradstaŭleny pa abjektyŭnych pryčynach, što dazvolić dzieciam praciahnuć adukacyju i atrymać dostup da mier sacyjalnaj abarony navučencaŭ (karystańnie padručnikami i vučebnymi dapamožnikami; zabieśpiačeńnie charčavańniem; zabieśpiačeńnie miescami dla pražyvańnia ŭ internatach; transpartnaje zabieśpiačeńnie i inšaje).
Ukaz taksama vyzvalaje ad vypłaty dziaržaŭnaj pošliny za vydaču dazvołaŭ na pryciahnieńnie ŭ Respubliku Biełaruś zamiežnaj rabočaj siły i śpiecyjalnych dazvołaŭ na prava zajmacca pracoŭnaj dziejnaściu ŭ Respublicy Biełaruś. Pry hetym termin pryniaćcia rašeńnia ab vydačy (admovie ŭ vydačy) śpiecyjalnych dazvołaŭ na prava zajmacca pracoŭnaj dziejnaściu ŭ Respublicy Biełaruś hramadzianam Ukrainy nie moža pieravyšać piaci rabočych dzion, a termin pradastaŭleńnia zaklučeńnia ab mahčymaści (niemahčymaści) ich pryciahnieńnia - dvuch pracoŭnych dzion.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary