U Mikaševičach Łuninieckaha rajona 30 lipienia padčas kupańnia patanuŭ vaśmihadovy chłopčyk.
Jak paviedamiŭ načalnik adździaleńnia infarmacyi i hramadskich suviaziaŭ UUS Bresckaha abłvykankama Siarhiej Dučenka, trahiedyja zdaryłasia kala 19.20 u štučnym vadajomie niedaloka ad SŠ № 1, dzie mały adpačyvaŭ razam z baćkami.
Pavodle papiarednich źviestak, baćki chłopčyka znachodzilisia na bierazie, a jon kupaŭsia niedaloka ad bieraha.
Dzicia pačali šukać, kali taho nie ŭžo nie było bačna ni ŭ vadzie, ni na bierazie. Cieła chłopčyka dastaŭ z vady padletak.
Pravierku pa fakcie hibieli dziciaci pravodzić Łuniniecki rajonny adździeł Śledčaha kamiteta.
Kamientary