Rasija ličyć, što, uvodziačy sankcyi suprać jaje, ZŠA pomściać Rasijskaj Fiederacyi, a Jeŭrasajuz — paddaŭsia na «šantaž» Amieryki.
Pra heta havorycca ŭ zajavach Ministerstva zamiežnych spraŭ RF.
«Rasceńvajem novy pakiet amierykanskich sankcyj u dačynieńni da Rasii jak prymityŭnuju sprobu adpomścić za toje, što padziei na Ukrainie raźvivajucca nie pa scenary Vašynhtona», — havorycca ŭ adnoj ź ich.
«Aburalnaje i nieabhruntavanaje imknieńnie ŭskłaści na Rasiju vinu za hramadzianskuju vajnu ŭ susiedniaj krainie, jakaja stała śledstvam hłybokaha ŭnutranaha kryzisu i ŭžo pryviała da šmatlikich achviar, śviedčyć pra pravał stratehii ZŠA i ich kijeŭskich klijentaŭ pa siłavym ucichamirvańni šyrokaj narodnaj niezadavolenaści», — śćviardžajuć u MZS RF.
Rasijskija dypłamaty zajaŭlajuć, što
«zamiest taho, kab abrazumić ukrainskaje kiraŭnictva, jakoje kinuła suprać žycharoŭ Danbasa i Łuhanščyny avijacyju, ciažkuju artyleryju i braniatechniku, Bieły dom faktyčna padbuchtorvaje da krovapralićcia».
Pry hetym, śćviardžajuć jany, ZŠA sprabujuć «advieści ad siabie adkaznaść» i hruba pierakručvajuć fakty, razmachvajučy «sankcyjnaj dubinkaj».
«Razmaŭlać movaj sankcyj, jakim by ni byŭ ich maštab, z Rasijaj marna. Ni da čaho dobraha taki šlach nie pryviadzie. Heta datyčycca i zamachaŭ na aktyvy rasijskich kampanij. Tych, chto pavieryŭ va ŭłasnuju vyklučnaść i ŭ prava dyktavać svaju volu astatniamu śvietu, niepaźbiežna čakaje horkaje rasčaravańnie», — papiaredžvaje MZS RF.
Tam padkreślivajuć, što «sankcyi — instrumient dvuchbakovaniebiaśpiečny».
«U vyniku lubych abmiežavańniaŭ na ekanamičnaje i finansavaje supracoŭnictva surjoznyja straty paniasuć i dziełavyja koły samich ZŠA… Padobnyja pavodziny Administracyi Baraka Abamy taksama niepaźbiežna adabjucca na mahčymaściach našaha ŭzajemadziejańnia pa mnohich inšych napramkach», — zajaviŭ MZS RF.
Razbureńnie rasijska-amierykanskich adnosin budzie na sumleńni Biełaha Doma, śćviardžajuć rasijskija dypłamaty.
«My byli i zastajemsia adkrytymi da kanstruktyŭnaha supracoŭnictva z usimi dziaržavami, u tym liku z ZŠA, na pryncypach raŭnapraŭja, nieŭmiašańnia va ŭnutranyja spravy i realnaha ŭliku intaresaŭ adzin adnaho. Šantaž ža ciarpieć nie majem namieru, pakidajem za saboj prava na miery ŭ adkaz», — zajaŭlaje MZS RF.
U Maskvie taksama «źviarnuli ŭvahu» na pryniatyja pa vynikach pasiadžeńnia Jeŭrapiejskaha savieta 16 lipienia rašeńni adnosna situacyi va Ukrainie.
«Rasčaravanyja tym, što Jeŭrasajuz, nasupierak ułasnym intaresam, paddaŭsia na šantaž amierykanskaj administracyi i pajšoŭ pa šlachu sankcyjnych mier u dačynieńni da Rasii», — zajaŭlaje MZS RF.
«Pry hetym Brusielem, pa prykładzie Vašynhtona, faktyčna vykarystoŭvajecca «łohika zalustarkoŭja», kali va ŭsich hrachach abvinavačvajucca tyja, chto pradprymaje realnyja namahańni pa deeskałacyi situacyi na Ukrainie, a aburalnyja fakty, uklučajučy bieśpierapynny patok biežancaŭ z Ukrainy ŭ Rasiju, abstreły rasijskaj terytoryi i inšyja antyrasiejskija pravakacyi, adkryta zamoŭčvajucca», — aburajecca viedamstva.
Rasijskija dypłamaty zajaŭlajuć, što ŭsie namahańni Rasii pa vyrašeńni kanfliktu va Ukrainie «natykalisia na adkryty sabataž z boku Kijeva i jaho amierykanskich zastupnikaŭ».
«I ciapier zamiest taho, kab vykarystoŭvać isnujučyja mahčymaści dla pačatku dyjałohu Kijeva z pradstaŭnikami Paŭdniovaha Ŭschodu krainy, Jeŭrasajuz pajšoŭ na pavadku ŭ prychilnikaŭ siłavoha rašeńnia ŭnutryŭkrainskaha kanfliktu i pravakavańnia na jaho fonie kanfrantacyi z Rasijaj», — zajaŭlaje RF.
«Tym samym, ES biare na siabie adkaznaść za praciah vajennaj apieracyi Kijeva, u vyniku jakoj kožny dzień hinuć ludzi», — pierakonvajuć tam.
MZS RF taksama padkreślivaje, što sankcyi buduć mieć nastupstvy i dla krain-členaŭ ES, i spadziajecca, «što Jeŭrasajuz zdabudzie ułasny hołas u mižnarodnych spravach, jaki adpaviadaje intaresam usich dziaržaŭ našaha kantynienta».
Kamientary