Adšukvajecca złačynca, jaki vykraŭ u adnoj ź firm u Połacku bujnuju sumu šlacham atrymańnia niesankcyjanavanaha dostupu da elektronnaj skryni kampanii.
Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, złačynca, uzłamaŭšy elektronnuju skryniu firmy, pačaŭ pierapisku ź jaje rabotnikami ad imia dziełavych partnioraŭ. Paśla čaho paviedamiŭ pra nibyta źmienienyja bankaŭskija rekvizity, paprasiŭšy pry hetym u nastupnym pieraličvać hrošy mienavita na novy rachunak. Daviarajučy niepravieranaj infarmacyi, atrymanaj u vyniku pierapiski ŭ internecie, kampanija na padłožnyja bankaŭskija rachunki pieraličyła 7 tysiač jeŭra i 6 tysiač dołaraŭ ZŠA.
Pa hetym facie Połackim mižrajonnym adździełam SK raspačata kryminalnaja sprava pa č. 4 art. 212 KK (kradziež šlacham vykarystańnia kampjutarnaj techniki). Śledčyja sumiesna z supracoŭnikami ŭpraŭleńnia pa raskryćci złačynstvaŭ u śfiery vysokich technałohij UUS Viciebskaha abłvykankama pracujuć nad ustanaŭleńniem asoby, jakaja ŭčyniła złačynstva. Bieručy pad uvahu toj fakt, što kampanija — partnior połackaj firmy zarehistravanaja za miežami Biełarusi, śledčymi adpraŭleny šerah mižnarodnych daručeńniaŭ ab akazańni pravavoj dapamohi ŭ zamiežnyja dziaržavy.
Uličvajučy častyja fakty kampjutarnych machinacyj, upraŭleńnie Śledčaha kamiteta pa Viciebskaj vobłaści źviartaje ŭvahu karystalnikaŭ na vykanańnie praviłaŭ infarmacyjnaj biaśpieki, a taksama ŭvažlivaje staŭleńnie da asabistaj infarmacyi, jakaja ŭtrymlivajecca ŭ internecie.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary