Tusk: Adstaŭki Sikorskaha z-za «kasietnaha skandału» nie budzie
Premjer-ministr Polščy Donald Tusk nie źbirajecca adpraŭlać u adstaŭku ministra zamiežnych spraŭ Radasłava Sikorskaha, jaki fihuruje ŭ «kasietnym skandale». Skinuć ministra chočuć apazicyjnyja partyi.
Rašeńnie pakinuć Sikorskaha va ŭładzie taksama padtrymaŭ taksama kiraŭnik urada Ispanii Maryjana Rachoj, jaki ciapier znachodzicca ź vizitam u Varšavie, paviedamlaje Gazeta Wyborcza.
«Vykazvaju svaju salidarnaść čynoŭnikam Polščy, jakich niezakonna prasłuchoŭvali. Takaja praktyka supiarečyć pravam čałavieka», — padkreśliŭ premjer Ispanii.
Jak paviedamlałasia raniej, zychodziačy z tajnaha prasłuchoŭvańnia aŭdyjozapisaŭ pamiž ministram zamiežnych spraŭ Polščy Radasłavam Sikorskim i eks-ministram finansaŭ Polščy, pradastaŭlenym vydańniem Wprost, Sikorski pastaviŭ pad sumnieŭ efiektyŭnaść «polska-amierykanskaj miždziaržaŭnaj družby».
«Polska-amierykanski sajuz ničoha nie varty. Jon navat škodzić, tamu što stavić Polšču ŭ falšyvyja abarončyja pazicyi. Kali my budziem dahadžać amierykancam, tady budziem u kanflikcie ź niemcami i rasiejcami i budziem ličyć siabie frajerami», — havorycca ŭ aŭdyjozapisu.
Sam Sikorski niehatyŭna vykazaŭsia adnosna apublikavańnia hetych aŭdyjozapisaŭ i stavić pad sumnieŭ ich sapraŭdnaść.
«Urad atakujuć złačyncy. Zaraz praciahvajecca rasśledavańnie adnosna niesankcyjanavanaha prasłuchoŭvańnia čynoŭnikaŭ. Ja vieru, što vielmi chutka śledstva dakaža niesapraŭdnaść aŭdyjozapisaŭ i vinavatyja buduć abaviazkova pakaranyja», — padkreśliŭ Sikorski.
Adnak Silviestr Latkoŭski, šef-redaktar vydańnia Wprost, jakoje apublikavała skandalnyja aŭdyjozapisy, nie sumniavajecca ŭ praŭdzivaści aŭdyjozapisaŭ. U svaim błohu jon napisaŭ, što ŭsie hałasy sapraŭdnyja i što redakcyja ŭziałasia za hety materyjał pa prafiesijnym matyvach. Na jaho dumku, žurnalisty zaklikany «abaraniać uładu, ale pakazvać dzie ŭłada pamylajecca i robić zło».
Nahadajem, što skandał razhareŭsia 16 červienia paśla apublikavańnia ŭ ŚMI telefonnych razmoŭ vysokapastaŭlenych palitykaŭ.
Štotydniovik Wprost atrymaŭ taksama aŭdyjozapis razmoŭ vysokapastaŭlenych słužbovych asob, u pryvatnaści ministra ŭnutranych spraŭ Bartłamieja Siankieviča i kiraŭnika Nacbanka Mareka Bielki. U chodzie hetych hutarak čynoŭniki, užyvajučy nienarmatyŭnuju leksiku, abmiarkoŭvali rašeńnie nie zusim zakonnymi sposabami jak dziaržaŭnych, tak i asabistych pytańniaŭ.
Paśla apublikavańnia zapisaŭ staršynia Savieta ministraŭ Polščy Donald Tusk navat prapanavaŭ abjavić daterminovyja parłamienckija vybary, kali kanflikt nie budzie vyčarpany.
Kamientary