Słužba biaśpieki Ukrainy (SBU) aryštavała kala 100 čałaviek, u tym liku 13 rasiejcaŭ, pa padazreńni ŭ dyviersijnaj dziejnaści.
Jak pieradaje «Interfaks», adpaviednuju zajavu zrabiŭ u piatnicu kiraŭnik śpiecsłužby Valancin Nalivajčanka.
«Užo aryštavanyja bolš za 90 terarystaŭ i dyviersantaŭ, siarod jakich 13 hramadzian Rasii (akramia bajevikoŭ-najmitaŭ, heta prafiesijnyja aficery-raźviedčyki, ahientura)», — raspavioŭ kiraŭnik SBU.
Pavodle jaho słoŭ, adno z apošnich zatrymańniaŭ adbyłosia ŭ Kijevie — pravaachoŭniki zmahli złavić saŭdzielnika zavadatara dyviersijnych hrup ŭ Horłaŭcy i Słaviansku.
Taksama kiraŭnik SBU paviedamiŭ, što śpiecsłužba maje namier praciahnuć reahavać na finansavańnie «byłymi ŭkrainskimi vysokapastaŭlenymi čynoŭnikami teraryzmu va Ŭkrainie».
Akramia taho, Nalivajčanka zajaviŭ ab spynieńni kantaktaŭ SBU z FSB Rasii. «Ciapier spynieny ŭsie kantakty z ahresaram, bolš za toje, dvuchbakovyja damoŭlenaści i pahadnieńni skasavanyja», — padkreśliŭ kiraŭnik ukrainskaj śpiecsłužby.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary