Rasijski deputat Michiejeŭ: Zabarony tuflej na vysokim abcasie i kiedaŭ nie budzie
19 červienia rasijskaja presa paviedamiła siensacyjnuju navinu: u Rasii, jak i ŭ Biełarusi, mohuć zabaranić tufli na vysokim abcasie i kiedy. Pryčyna — papraŭki da techničnaha rehłamientu Mytnaha sajuza.
Zapyt na zabaronu abutku na płoskaj padešvie i na vysokich abcasach, nibyta, byŭ nakiravany deputatam Dziarždumy ad «Spraviadlivaj Rasii» Aleham Michiejevym kiraŭniku Jeŭrazijskaj ekanamičnaj kamisii Viktaru Chryścienku. Tłumačycca heta mierkavańniami artapiedyčnaj biaśpieki.
Jeŭraradyjo datelefanavałasia da Aleha Michiejeva. Jon spasłaŭsia na padrychtavanaje rasijskimi lekarami ekśpiertnaje zaklučeńnie, pavodle jakoha pavialičvajecca kolkaść zachvorvańniaŭ, źviazanych z tym, što padešvy abutku, jaki siońnia pradajecca, nie adpaviadaje patrabavańniam. U toj ža čas jon supakoiŭ: nijakich zabaronaŭ nie rychtujecca.
«Ni pra jakuju zabaronu nie moža być i havorki. Bolš taho, nijakaha zakonaprajekta niama. Inicyjatyvy zakanadaŭčaj taksama niama, a jość moj zvarot u Mytny sajuz na imia Chrystenki z tym, kab padniać hetaje pytańnie, vyvučyć temu.
Z tym, kali heta paćvierdzicca, my siońnia pavinny pierakanać vytvorcu ŭ tym, kab jany źmianili padešvu, kab prablema z masavym zachvorvańniem noh syšła ŭ minułaje».
Rasijski deputat spadziajecca, što vytvorcy zadumajucca pra zdaroŭje hramadzian. Darečy, stała viadoma, što Jeŭrazijskaja ekanamičnaja kamisija razhledzić zvarot Michiejeva, adnak tam sumniajucca ŭ stanoŭčym rašeńni pytańnia.
Kamientary