Haściej ź dziesiaci krain čakajuć u hetym hodzie na V Mižnarodnym muzyčna-spartyŭnym śviacie «Vialikaja bard-rybałka», jakoje projdzie 1-3 žniŭnia na bierazie Čyhirynskaha vadaschovišča ŭ ahravioscy Hrudzičyna Bychaŭskaha rajona, paviedamiŭ staršynia arhkamiteta śviata Siarhiej Kulahin.
U hetym hodzie śviata značna pašyryć hieahrafiju haściej i ŭdzielnikaŭ. Akramia delehacyj z tradycyjnych krain-udzielnic — Biełarusi, Rasii i Ukrainy bard-rybałka čakaje haściej z Polščy, Małdovy, Litvy, Estonii, Łatvii, Hruzii, Azierbajdžana. Svoj udzieł u śviacie paćvierdziŭ zasłužany artyst Rasii Alaksandr Dolski (Sankt-Pieciarburh), upieršyniu vystupić na bard-rybałcy muzyka, kinaakcior, režysior, vykanaŭca aŭtarskaj pieśni Jaŭhien Malinoŭski (Varšava). Adpačyć z usioj siamjoj na śviacie źbirajecca prezident Usieŭkrainskaj asacyjacyi aŭtarskaj pieśni aŭtar i vykanaŭca Vadzim Hiefter (Danieck, Ukraina).
«My čakajem u hetym hodzie na śviacie bolš za 2 tys. hledačoŭ, — skazaŭ Siarhiej Kulahin. — Dla pryjomu takoj vialikaj kolkaści ludziej buduć padrychtavanyja dadatkovyja placoŭki pad namiotavyja miastečki, u tym liku niekalki reziervovych. Usie jany buduć abstalavany nieabchodnaj kolkaściu sanvuzłoŭ. Prykładna ŭdvaja pavialičycca płošča aŭtastajanki, rychtujecca asobnaja placoŭka dla karavanieraŭ. Što tyčycca kancertnych placovak, to tam buduć arhanizavanyja dadatkovyja miescy dla hledačoŭ».
Žadajučych adpačyć na bard-rybałcy ŭ bolš kamfortnych umovach raśsialajuć užo ciapier: mnohija telefanujuć i branirujuć numary na turbazach, a taksama ŭ ahrasiadzibach, jakija raźmieščany jak u ahravioscy Hrudzičyna na bierazie Čyhirynskaha vadaschovišča (miescy praviadzieńnia VBR), tak i ŭ susiedniaj vioscy Čačevičy. Z metaj dastaŭki haściej i ŭdzielnikaŭ prapracoŭvajecca pytańnie ab arhanizacyi śpiecyjalnych aŭtobusnych maršrutaŭ z Mahilova i Bychava. U samy bližejšy čas raskład ruchu aŭtatranspartu źjavicca na aficyjnym sajcie VBR.
Darečy, padčas śviata budzie pryhatavana paŭtary tysiačy litraŭ carskaj juški.
Hety biaspłatny pačastunak pryhatujuć u tym ža znakamitym katle na 5 tys. ł, dzie ŭ minułym hodzie padčas bard-rybałki byŭ pryhatavany rekordny abjom juški. U hetym hodzie abjom budzie ściplejšy — 1,5 tys. ł. A voźmiecca za hetu niaprostuju spravu supołka biełaruskich kucharaŭ pad kiraŭnictvam viadomaha kulinara Alaksandra Čykileŭskaha (Minsk).
Carskuju jušku pryhatujuć pa staradaŭnim recepcie na asnovie kurynaha bulona. U jakaści asnoŭnaj ryby ŭ stravie budzie vykarystanaja farel, a dla navaru tudy dadaduć roznakalibiernuju drobiaź, złoŭlenuju udzielnikami rybałoŭnaha turniru. Vodar stravy budzie zaležać taksama ad mnostva inšych inhredyjentaŭ, jakija dadaduć u jušku pa raspracavanaj kucharami receptury. U kancy pryhatavańnia ŭ kacioł uvaljuć tradycyjnaje viadro harełki. Bolš za toje, padčas hetaha kulinarnaha šou biełaruskija kuchary praviaduć majstar-kłasy pa pryhatavańni rybnych straŭ na adkrytym vohniščy.
Čamu YouTube vydaliŭ kanały BiełTA, STB i ANT? Voś što viadoma11
Kamientary