Surykaŭ: Ab pryvatyzacyi biełaruskich vajennych zavodaŭ jość pryncypovaje pahadnieńnie

Pa słovach Alaksandra Surykava, adnosna MZKC, «Intehrała» i «Pielenha» dasiahnutyja pryncypovyja pahadnieńni. Zaraz budzie pravodzicca niezaležnaja acenka pradpryjemstvaŭ, paśla čaho jany buduć pradadzienyja rasiejcam. Pra heta jon zajaviŭ na pres-kanfierencyi ŭ Miensku 11 červienia, pieradaje BiełTA.

«Na MZKC da 31 lipienia projdzie mižnarodnaja acenka aktyvaŭ. Na «Intehrale» i «Pielenhu» projdzie raniej, i tam usie rašeńni adrazu vymaloŭvajucca», — skazaŭ pasoł.

Što tyčycca «Hrodna Azota», Alaksandr Surykaŭ nahadaŭ, što pryznačany aŭkcyjon. Vystaŭlajucca akcyi, dola jakich u statutnym fondzie tavarystva składaje 25% plus 1. Pavodle jaho słoŭ, na dolu ŭ hetym pradpryjemstvie pretendujuć takija rasiejskija kampanii, jak «Jeŭrachim», «Urałchim» i inšyja. Na dumku dypłamata, dla biełaruskaha boku vyhadna, kali dolu ŭ pradpryjemstvie atrymaje kampanija, jakaja abo sama zdabyvaje haz, abo afilavanaja z kampanijaj-zdabytčykam.

Rasiejskija kampanii pa-raniejšamu pretendujuć na kuplu dziarždoli STAA «MTS», paviedamiŭ ambasadar.

«Praciahvajecca rabota pa MTS, i našy kampanii biaruć udzieł. Acenka tam źnižanaja. Heta, pa-mojmu, $863 młn. Našy kampanii na heta pretendujuć», — skazaŭ dypłamat.

Konkursny adbor patencyjnych kupcoŭ dziaržaŭnaj doli (51%) u STAA «MTS», jaki prajšoŭ 6 lutaha biahučaha hoda, byŭ pryznany niesapraŭdnym z pryčyny adsutnaści zajaŭ ad inviestaraŭ. U konkursie mahli ŭdzielničać jak rezidenty, tak i nierezidenty Biełarusi.

Raniej rasiejskaje AAT «MTS» było hatova nabyć dziaržaŭnuju dolu Biełarusi za $450—500 młn, u toj čas jak u śniežni 2013 hoda paviedamlałasia pra pačatkovy košt u pamiery $863 młn. Raniej pačatkovy košt prodažu dziaržpakietu doli biełaruskaha apieratara MTS składaŭ $1 młrd. Pieršaja acenka pravodziłasia u 2010 hodzie. Dziaržaŭnaja dola STAA «MTS» nieadnarazova vystaŭlałasia na aŭkcyjony z 2011 hoda, ale nie była pradadzienaja.

Umovaj prodažu było patrabavańnie ab zachavańni adsotka achopu terytoryi Biełarusi pasłuhami ruchomaj elektrasuviazi nie nižej za ŭzrovień, zafiksavany ŭ dziaržaŭnaj statystyčnaj spravazdačnaści za apošni spravazdačny pieryjad (papiaredni zaklučeńniu damovy kupli-prodažu doli pradpryjemstva).

Pasoł paviedamiŭ taksama, što baki pakul nie pryjšli da supolnaj pazicyi pa abjadnańni MAZa i KamAZa.

Što tyčycca MTS, to, pa słovach dypłamata, rasiejskija kampanii znoŭ zacikavilisia jaho kuplaj paśla źnižeńnia koštu aktyvu da 863 młn dalaraŭ.

A voś pa abjadnańni MAZa i KAMAZa baki pa-raniejšamu nie mohuć damovicca, kanstatavaŭ rasiejski ambasadar.

• 0
• 0
• 0
• 0
• 0
• 0
• 0
• 0