Internet-prajekt «Biełaruski archiŭ vusnaj historyi» zaprašaje pryniać udzieł u kruhłym stale «Vusnaja historyja ŭ pracy dakumientalistaŭ i žurnalistaŭ: prablemy i pierśpiektyvy», jaki adbudziecca 27 červienia a 17 hadzinie ŭ Minsku.
Meta mierapryjemstva: dać mahčymaść žurnalistam i vusnym historykam abmianiacca vopytam pracy sa śviedkami času, abmierkavać pierśpiektyvy supracoŭnictva.
Žurnalisty i dakumientalisty časta pracujuć z asobami stałaha vieku, niaredka vyklučnymi surazmoŭcami, vidavočcami važnych padziej XX stahodździa. Imi źbirajecca kankretny materyjał dla tematyčnych artykułaŭ, filmaŭ i h.d. Što adbyvajecca z hetym materyjałam paśla? Jakija zachady možna zrabić, kab kaštoŭnaja infarmacyja ad śviedkaŭ, jakija niamoŭlna sychodziać, była zachavana dla budučych pakaleńniaŭ?
***
BAVH isnuje z 2011 hoda i źjaŭlajecca adzinym u Biełarusi ŭnikalnym schoviščam vusnych uspaminaŭ pa historyi Biełarusi, jakija možna pasłuchać i pabačyć onłajn, paznajomicca z tekstavaj transkrypcyjaj intervju. Na partale pracuje tematyčny, chranałahičny, imianny i hieahrafičny pošuk, jakija dazvalajuć chutka šukać nieabchodnuju infarmacyju. Taksama kamanda raspracoŭvaje roznyja aktualnyja tematyčnyja nakirunki, pa vynikach jakich stvarajucca rubryki, napoŭnienyja raznastajnym ilustratyŭnym materyjałam.
My chacieli b naładzić dyjałoh z vami, bo zajmajemsia padobnym zboram materyjału, chacia i vykarystoŭvajem svaju mietadałohiju. Tamu zaprašajem paŭdzielničać u kruhłym stale, kab z adnaho boku raspavieści pra našyja materyjały, jakija mahli b być vam karysnymi, z druhoha — daviedacca pra vašu praktyku zachavańnia ŭspaminaŭ i pra tyja prablemy, u tym liku etyčnaha kštałtu, jakija ŭźnikajuć padčas pracy sa śviedkami. Davajcie abmianiajemsia dośviedam. Vyśvietlim, čym adroźnivajecca praca žurnalista ad pracy vusnaha historyka, abmiarkujem naša mahčymaje supracoŭnictva.
Udzielniki ad BAVH — navukovy kiraŭnik, doktar histaryčnych navuk Aleś Smalančuk, kaardynatar prajekta Iryna Kaštalan, kiraŭnik archiva Volha Ivanova, apieratar i administratar prajekta Pavieł Sitnik, kaardynatar konkursa dla školnikaŭ pa 1939 h. Volha Cadko.
Inšaharodnim buduć apłočany prajezd i pry nieabchodnaści pradastaŭleny načleh.
Zajaŭki padavajcie na [email protected] da 20 červienia. Pra kankretnaje miesca praviadzieńnia budzie paviedamlena dadatkova.
Ciapier čytajuć
Maryna Adamovič apublikavała novyja FOTY Mikoły Statkieviča4
Kamientary