U Vialikabrytanii na 92-m hodzie žyćcia pamierła małodšaja dačka Uinstana Čerčyla łedzi Mery Soams.
Apošniaja ź piaci dziaciej znakamitaha brytanskaha palityka pamierła paśla niepraciahłaj chvaroby ŭ siabie doma ŭ minułuju subotu, 31 maja.
«Jana była sapraŭdy vydatnaj i vybitnaj žančynaj, jakaja pražyła niezvyčajnaje žyćcio», — skazaŭ adzin ź jaje synoŭ, člen parłamienta ad Kansiervatyŭnaj partyi Nikałas Soams.
«Heta nievierahodnaje supadzieńnie — jak raz pierad 70-j hadavinaj vysadki sajuźnikaŭ u Narmandyi pamiraje apošniaje z pazastałych u žyvych dziaciej Čerčyla», — adznačyŭ jon.
Mery Śpiensier-Čerčyl u hady Druhoj suśvietnaj vajny atrymała zvańnie małodšaha aficera dapamožnaj słužby. Jana supravadžała baćku ŭ mnohich važnych pajezdkach, u tym liku padčas Patsdamskaj kanfierencyi ŭ 1945 hodzie, na jakoj Čerčyl z amierykanskim prezidentam Hary Trumenam i savieckim lidaram Iosifam Stalinym abmiarkoŭvali paślavajennuju budučyniu Hiermanii i Jeŭropy.
Da kanca žyćcia jana ciesna supracoŭničała z Kansiervatyŭnaj partyjaj, lidaram jakoj niekali byŭ sam Čerčyl. U apošnija hady Mery Soams zajmałasia dabračynnaściu i pisała bijahrafičnyja knihi.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym4
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary