U Izraili raspracavany mini-skanier, jaki vyznačaje skład luboha abjekta
Izrailskaja kampanija Consumer Physics raspracavała pieršy ŭ śviecie partatyŭny malekularny skanier SCiO, jaki zmoža imhnienna vyznačyć chimičny skład luboha abjekta, da jakoha budzie padniesieny. Minijaciurnaja pryłada pracuje na pryncypie NIR-śpiektraskapii (śpiektraskapii blizkaj infračyrvonaj vobłaści).
Pryłada, jakaja važyć usiaho 20 hramaŭ, a pa pamierach ledź pieraŭzychodzić zvyčajnuju USB-flešku, zmoža ŭ luby momant «skazać», jakuju vadu my pjem, jakim pavietram dychajem i ź jakoha materyjału pašytaja naša vopratka. Žurnalisty ŭžo paśpieli achryścić pryładu «huhłam materyjalnaha śvietu», a amatary fantastyki paraŭnoŭvajuć jaho z ručnymi skanierami ź sieryjała «Zorny šlach».
Prybor padklučajecca da smartfonaŭ i pravodzić chimičny analiz rečyvaŭ z dapamohaj śpiecyjalnych prahram. Da hetaha času padobnyja śpiektrohrafa vykarystoŭvalisia tolki ŭ pramysłovych łabaratoryjach i nie byli dastupnyja dla zvyčajnaha spažyŭca.
Prajekt novaha hadžeta vyklikaŭ vialikuju cikavaść: na sajcie KickStarter za dva tydni amal 9000 čałaviek vykazali hatoŭnaść inviestavać u jaho ŭ ahulnaj sumie $1,96 młn.
Prodaž SCiO kampanija abiacaje pačać u studzieni 2015 — z probnaj sieryi z 300 asobnikaŭ. U ciapierašni čas skanier možna zamović, ukłaŭšy ŭ prajekt $199.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy79
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary