Łukašenka patrabuje pavysić efiektyŭnaść raboty APK

Alaksandr Łukašenka patrabuje vypracoŭki i realizacyi ŭ Biełarusi kompleksu mier pa pavyšeńni efiektyŭnaści pracy ahrapramysłovaha kompleksu. Ab hetym, jak paviedamiła pres-słužba prezidenta, kiraŭnik dziaržavy zajaviŭ 6 maja, zasłuchoŭvajučy dakład pra vyniki pracy mižviedamasnaj rabočaj hrupy dla vyrašeńnia prablemnych pytańniaŭ u APK. 

Jon nahadaŭ, što śfiera sielskaj haspadarki nie adzinaja, dzie było daručana kompleksna vyvučyć i ŭstaranić najaŭnyja prablemy. «My ŭzialisia za pytańni, jakija vielmi chvalujuć naša nasielnictva. Biez vyrašeńnia hetych pytańniaŭ dalejšaje narmalnaje žyćcio našaha hramadstva niemahčymaje», — padkreśliŭ Łukašenka. 

«Padobym čynam my pasprabavali praanalizavać, i byccam by ŭdałosia (pahladzim, što na praktycy budzie), budaŭničuju halinu, pryniali adpaviednaje rašeńnie. Chaču nahadać, Andrej Uładzimiravič (kiraŭnik Administracyi prezidenta Andrej Kabiakoŭ), što 1 lipienia ŭ nas čas «Č»: my pavinny vykanać usio, što mnoju było skazana na naradzie, čaho b nam heta ni kaštavała», — skazaŭ prezident. 

Jon adznačyŭ, što nasielnictva taksama chvalujuć pytańni raźvićcia žyllova-kamunalnaha absłuhoŭvańnia. Vyvučeńniem hetaj śfiery zajmajecca rabočaja hrupa na čale sa staršynioj KDK Alaksandram Jakabsonam. 

Što da treciaha kirunku — śfiery sielskaj haspadarki, to, pavodle słoŭ kiraŭnika dziaržavy, tam nie ŭsio hładka i, samaje hałoŭnaje, niama nieabchodnaj addačy i efiektyŭnaści ŭ pracy sielhaspradpryjemstvaŭ. 

Łukašenka adznačyŭ, što častka pytańniaŭ, jakija datyčacca situacyi ŭ sielskaj haspadarcy, «lažyć na pavierchni, ale jość i niekatoryja inšyja, u tym liku skrytyja pryčyny, jak ciažkija, tak i prostyja». Vyjavić ich i prapanavać šlachi vyrašeńnia było daručana mižviedamasnaj rabočaj hrupie na čale z premjer-ministram. «Heta hrupa pavinna była vyjavić hetyja pryčyny nieefiektyŭnaha funkcyjanavańnia (kali brać u cełym) sielskaj haspadarki ŭ płanie addačy ad tych inviestycyj, jakija tudy nakiravany. I, pa-druhoje, samaje hałoŭnaje — nam treba aznačyć šlachi vychadu z hetaj situacyi. Nie prosta vychadu, a šlachi efiektyŭnaha raźvićcia sielskahaspadarčaj vytvorčaści i ŭsiaho, što ź joj źviazana», — zajaviŭ kiraŭnik dziaržavy. 

«Ahrarnaja» hrupa na čale ź Michaiłam Uładzimiravičam (Miaśnikovičam) prapracavała hetyja pytańni i prapanavała niejkuju darožnuju kartu, jakuju my pavinny realizavać u Biełarusi ŭ śfiery sielskaj haspadarki, kab užo ŭ hetym i nastupnym hodzie my ŭbačyli choć niejkija vyniki», — adznačyŭ Łukašenka. 

Pry hetym jon paprasiŭ dakładčykaŭ nie pahłyblacca ŭ niuansy i detali. «Tamu što najbližejšym časam, kali my prymiem siońnia rašeńnie ab tym, što heta hrupa spracavała, i my možam vychodzić, jak i ŭ budaŭnictvie, na vialikaje koła ludziej, śpiecyjalistaŭ i ź imi vieści havorku ab tym, jak budzie raźvivacca sielskaja haspadarka zaŭtra, pra jaje efiektyŭnaść, to ŭsio heta budzie anałahična praanalizavana ŭ hetym šyrokim kole sa śpiecyjalistami, — rastłumačyŭ Łukašenka. — My pavinny ludziam prama skazać: voś, što my zrobim, a voś, što ad vas čakajem i vy abaviazanyja zrabić».

• 0
• 0
• 0
• 0
• 0
• 0
• 0
• 0