Biełarusy nia chočuć iści ŭ «Biełarusbank» i atrymlivać kampensacyju pa ŭkładach, jakija «zhareli» jašče na pačatku 90‑ch hadoŭ.
Biełarusy nia chočuć iści ŭ «Biełarusbank» i atrymlivać kampensacyju pa ŭkładach, jakija «zhareli» jašče na pačatku 90‑ch hadoŭ. Pryčynu masavaha demaršu ahučyŭ deputat Mikałaj Dubovik, jakomu sytuacyja padajecca absurdnaj.
— Da mianie źviarnuŭsia małady čałaviek i voś što raspavioŭ. 20 hadoŭ tamu baćki aformili na jaho ŭ banku ŭkład na 500 rubloŭ. Niadaŭna jamu pryjšło spavieščańnie ź «Biełarusbanku»: źjavicca i atrymać kampensacyju pa ŭkładzie. Jon schapiŭ dakumenty j pabieh u bank. Zmarnavaŭšy cełuju hadzinu, jon atrymaŭ… ažno 450 rubloŭ.
Ja ŭ heta nie pavieryŭ. Pryjechaŭ dachaty j raskazaŭ pra hety vypadak siamji. Akazałasia, što i maich dziaciej z hetaj ža nahody zaprašajuć u bank. Žonka pakazała mnie adpaviednyja dakumenty. Sprava ŭ tym, što šmat hadoŭ tamu moj baćka adkryŭ na svaich unukaŭ układ, zdajecca, na 500 rubloŭ. Kolki vypłaciać maim dzieciam ciapier, ja nia viedaŭ. Zatoje daviedaŭsia, što majmu ziaciu vypłaciać cełuju tysiaču rubloŭ. Kab razabracca, ja patelefanavaŭ u bank, adrekamendavaŭsia svaim synam i zadaŭ pytańnie. Voś vy mianie zaprašajecie ŭ bank. Dziela čaho? Mnie ničoha nie adkazali, skazali, što heta tajamnica. Ja mušu pryjści ŭ bank i atrymać układ. Dźvie maje siastry ŭ svoj čas akazalisia razumniejšymi. Za 500 rubloŭ adna kupiła pryčep «Zubranio», a druhaja — vialiki piarścionak. A voś maje dzieci atrymajuć 999 rubloŭ. Davajcie nia budziem złavać ludziej. Ja razumieju stałych. My ich užo razzłavali. Davajcie, kali možna, prypynim hetuju spravu. Ja svaich dziaciej u bank nie pušču.
Zamministra Andrej Kabiakoŭ patłumačyŭ, čymu atrymlivajecca hetak, jak atrymlivajecca, ale abnadzieiŭ tym, što vyrašeńnie pytańnia nieabchodna padkarektavać. Jak — pakul nieviadoma.
— Reč u tym, što ŭ 2007 hodzie skančajecca termin vypłaty kampensacyj układaŭ nasielnictvu pa pryniatych rašeńniach. My byli hatovyja skončyć jašče ŭ 2002‑2003 hadach. Srodki byli. Ale z‑za taho što pamiery kampensacyi sapraŭdy akazalisia nievysokimi, to nichto za imi asabliva nie śpiašaŭsia. Ciapier termin minaje, hrošy treba vypłacić. Nie mahu skazać, što lepš u hetaj sytuacyi… Nie paviedamlać ludziam i śpisać hetyja hrošy? Ź inšaha boku, heta srodki, ź jakimi niamožna advolna abychodzicca. Treba padumać. Mahčyma, abaviažam bank abaviazkova infarmavać ludziej pra pamiery kampensacyj, kab hramadzianie sami rabili vybar, zabirać im hrošy ci nie. Peŭna, pry admoŭnym adkazie moža być daviadziecca pisać piśmovuju admovu.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary