Sud pa ciažkich złačynstvach pryznaŭ jaho vinavatym pa troch artykułach kryminalnaha kodeksu: pahroza teraryzmu, uchileńnie ad spłaty padatkaŭ i raspalvańnie nacyjanalnaj varožaści.
U Azerbajdžanie da vaśmi hadoŭ źniavoleńnia asudžany zasnavalnik i redaktar hazet «Realny Azerbajdžan» i «Hiundzielik Azerbajdžan» Ejnuła Fatułajeŭ.
Sud pa ciažkich złačynstvach pryznaŭ Fatułajeva vinavatym pa troch artykułach kryminalnaha kodeksu: pahroza teraryzmam , uchileńnie ad upłaty padatkaŭ i raspalvańnie nacyjanalnaj roźni. Fatułajeŭ taksama abaviazany vypłacić bolš za 230 tysiač dalaraŭ štrafu za ŭtojvańnie dachodaŭ ad padatkaŭ.
U krasaviku Fatułajeŭ byŭ vyračany na dva z pałovaj hady turmy pa abvinavačańni ŭ napisańni paklopnickaha artykułu pra Karabaski kanflikt.
Na hety raz nahodaj dla sudovaha raźbiralnictva staŭsia artykuł «Alijevy rychtujucca da vajny». U im havaryłasia pra mahčymuju rakietnuju ataku Azerbajdžanu z boku Irana ŭ vypadku vajennaj aperacyi Vašynhtona suprać Tehieranu. Śledztva ŭhledzieła ŭ hetym artykule «pahrozu teraryzmu».
U časie sudu Fatułajeŭ abvierhnuŭ usie vystaŭlenyja abvinavačańni j nazvaŭ ich śmiechu vartymi j nieabhruntavanymi.
Mižnarodnyja arhanizacyi zaklikali ŭłady Azerbajdžana vyzvalić Fatułajeva i jašče šaścioch žurnalistaŭ, jakija znachodziacca ŭ źniavoleni.
Kamientary