U vyniku praźmiernych dyjet u Renaty Litvinavaj raźviłasia niebiaśpiečnaje zachvorvańnie

Paśla pierałomu nahi, jaki adbyŭsia ŭ Renaty Litvinavaj u studzieni, lekary dyjahnastavali ŭ aktrysy novaje zachvorvańnie — asteaparoz, paviedamlajuć infarmahienctvy. 

Niekalki miesiacaŭ tamu ź viadomaj rasijskaj aktrysaj i režysioram Renataj Litvinavaj adbyŭsia niaščasny vypadak. Katajučysia na kańkach, jana atrymała surjoznuju traŭmu. Lekary, zrabiŭšy zdymak, vyjavili ŭ Litvinavaj raskolinu kości i pierałom halonkastupniovaha sustava. Na dumku miedykaŭ, aktorcy ŭ niekatoraj stupieni pašancavała — pierałom akazaŭsia bieź źmiaščeńnia. U advarotnym vypadku spatrebiłasia b apieracyja. 

Pra toje, što ź joj adbyłosia, Litvinava raspaviadała nie nadta padrabiazna. Adnak atrymaŭšy renthienaŭskija zdymki, jana tut ža vykłaŭ u Internet, padpisaŭšy «Mnie vydali mylicy, ja prosta ŭ zachapleńni». 

U vyniku nazirańniaŭ, stała viadoma, što ŭ Renaty jość jašče adzin ŭnutrany vorah, jaki spryjaje kalectvu padobnaha rodu — aktorcy dyjahnastavali asteaparoz (chvaroba, pry jakoj kostki stanoviacca vielmi ŭraźlivymi i dalikatnymi). Pryčynaj zachvorvańnia, jakoje źjaviłasia raptam, lekary nie nazyvajuć kankretna, ale namiakajuć, što vinoj usiamu moža być praźmiernaje zachapleńnie žančyny roznaha rodu dyjetami. Jana vyhladaje zaŭsiody vydatna, ale ci hatovaja jana zapłacić takuju vysokuju canu za pryhažość? 

Na dadzieny momant Litvinava prachodzić dbajnaje daśledavańnie, paśla jakoha lekary vyniesuć kančatkovaje rašeńnie. 

Varta dadać, što artystka ŭžo niekalki hadoŭ nie jeść miasa i małočnyja pradukty, a taksama pieryjadyčna siadzić na roznych dyjetach. «Ja starajusia nie jeści miasa, ja imknusia da daskanałaści. Vy razumiejecie, abžorstva — adzin z samych strašnych śmiarotnych hrachoŭ. Tamu lepš usio-taki siabie časam abmiažoŭvać», — zajaŭlaje znakamitaść. 

Nie vyklučana, što chvaroba mahła raźvicca mienavita z pryčyny takoha racyjonu Renaty Litvinavaj. 

Na siońniašni dzień asteaparoz ličycca adnoj z surjoznych prablem žycharoŭ raźvitych krain. Pryčym u asnoŭnym ad zachvorvańnia pakutujuć žančyny. Tak, pa statystycy, damy va ŭzroście starejšyja za 45 hadoŭ źviartajucca pa dapamohu da miedykaŭ pa pytańni asteaparozu čaściej, čym z nahody cukrovaha dyjabietu, infarktu mijakarda i ankałohii małočnaj załozy. Siarod pryčyn raźvićcia zachvorvańnia nie tolki hienietyčnaja schilnaść, ale i rańniaja mienapauza, złoŭžyvańnie paleńniem cyharet, ałkaholnymi napojami, niezbałansavanaja dyjeta.

• 0
• 0
• 1
• 0
• 0
• 0
• 0
• 0