Kali rasijskija vojski pierasiakuć ŭkrainskuju miažu, Ukraina «budzie abaraniacca i naniasie ŭdar u adkaz», skazaŭ Bi-Bi-Si ŭkrainski premjer-ministr Arsien Jacaniuk.
«My budziem abaraniać svaju krainu lubymi sposabami. Kali Rasija pačnie vajnu, my budziem abaraniacca», — skazaŭ Jacaniuk u intervju televizijnaj pieradačy Suśvietnaj słužby Bi-Bi-Si Hard Talk.
Pavodle jaho słoŭ, Ukraina pakul nie płanuje ŭstupać u NATA, adnak luboje ŭmiašańnie z boku Rasii ŭ hetaje pytańnie jon ličyć nieprymalnym.
Jacaniuk abvinavaciŭ byłoha prezidenta Ukrainy Viktara Janukoviča ŭ masavych zabojstvach padčas pratestaŭ u Kijevie ŭ lutym.
«Dla nas całkam jasna, što Janukovič i jaho sajuźniki niasuć asabistuju adkaznaść za hetyja zabojstvy», — skazaŭ ukrainski premjer, dadaŭ, što ŭ eks-prezidenta budzie mahčymaść abaranić siabie ŭ sudzie.
Intervju Arsienija Jacaniuka pieradačy Hard Talk vyjdzie ŭ efir na telekanale BBC World siońnia, 3 krasavika, u 23:30 pa Minsku.
Kamientary