Jon budzie vieści novaje tok-šoŭ. Z 1 krasavika na telekanale «Biełaruś 1» pačnie vychodzić jaho aŭtarskaja prahrama «Viečar ciažkaha dnia».
«Heta prahrama, jakaja abjadnoŭvaje ŭ sabie jak śvieckija hutarki sa znakamitaściami ź śvietu muzyki, kino i sportu, tak i hutarki na aktualnyja temy biahučaha momantu», — paviedamlaje pres-słužba «Biełteleradyjokampanii».
Tok -šou «Viečar ciažkaha dnia» budzie vychodzić dvojčy na tydzień - pa aŭtorkach i čaćviarhach. Na niekatoryja prahramy budzie zaprošany adzin hość, ale časam u abmierkavańni buduć udzielničać try surazmoŭcy. U pieršych vypuskach šou prymuć udzieł Uładzimir Zialenski, Hoša Kucenka, Anžalika Ahurbaš, Alaksandr Prachanaŭ i Nikas Safronaŭ. Pieršaja pieradača vyjdzie ŭ efir kanała «Biełaruś 1» 1 krasavika ŭ 23.55, paviedamlaje ahienctva BiełaPAN.
Nahadajem, Chrustaloŭ raniej pracavaŭ pieršym namieśnikam staršyni praŭleńnia ZAT «Druhi nacyjanalny telekanał « (ANT) i byŭ zvolnieny z hetaj pasady ŭ krasaviku 2009 hoda. Paśla hetaha jon pajechaŭ u Maskvu, dzie pracavaŭ prahramnym dyrektaram i pradziusaram na rasijskim telekanale STS.
Kamientary