Bazavaja arendnaja vieličynia pavialičycca 1 krasavika 2014 hoda na 18,6% i składzie 102 tys. rubloŭ. Heta praduhledžana pastanovaj Savieta ministraŭ № 231 ad 19 sakavika 2014 hoda, paviedamiła pres-słužba ŭrada.
Pamier bazavaj arendnaj staŭki štohod ustanaŭlivajecca Saŭminam z ulikam źmieny indeksa spažyvieckich cen za papiaredni hod u adnosinach da papiaredniaha i prymianiajecca z 1 krasavika hoda, u jakim jon ustanoŭleny.
Letaś bazavaja arendnaja vieličynia była pavyšana na 60% — z 54 tys. da 86 tys. rubloŭ.
«Prymianieńnie novaha pamieru bazavaj arendnaj vieličyni ŭ raźlikach arendnaj płaty dazvolić pryvieści jaje pamier u adpaviednaść sa źmienaj indeksa spažyvieckich cen za 2013 hod», — prakamientavali va ŭradzie.
Bazavaja arendnaja vieličynia vykarystoŭvajecca ŭ raźlikach arendnaj płaty pry arendzie płoščaŭ, jakija znachodziacca ŭ dziaržaŭnaj ułasnaści. Heta tyčycca ŭłasnaści haspadarčych tavarystvaŭ, u statutnych fondach jakich bolš za 50% akcyj (dolaŭ) znachodzicca va ŭłasnaści Biełarusi i (ci) jaje administracyjna-terytaryjalnych adzinak, a taksama kapitalnych pabudoŭ (budynkaŭ, zbudavańniaŭ), izalavanych pamiaškańniaŭ, mašyna-miescaŭ, ich častak, uklučajučy kapitalnyja pabudovy (budynki, zbudavańni), izalavanyja pamiaškańni, ich častki na rynkach i ŭ handlovych centrach.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary