Za ŭvachodžańnie Kryma ŭ skład Rasijskaj Fiederacyi prahałasavała 123 % sievastopalcaŭ.
Heta vynikaje z supastaŭleńnia dadzienych jaŭki i statystyčnych dadzienych za 2013 hod, na jakija źviarnuŭ uvahu błohier teh-nomad u ŽŽ.
Tak, staršynia kamisii Viarchoŭnaha Savieta Kryma pa arhanizacyi i praviadzieńni refierendumu Michaił Małyšaŭ zajaviŭ, što pa stanie na 8 viečara 16 sakavika jaŭka vybarščykaŭ u Krymie skłała 81,36%.
«Na 20-ju hadzinu ŭ Krymie prahałasavali 1 250 426 čałaviek. Heta vynik biez uliku Sievastopala. Z ulikam Sievastopala prahałasavali 1 724 563 čałaviek», - zajaviŭ Małyšaŭ.
Heta značyć, kali vieryć krymskaj «uładzie», 474 137 čałaviek ź Sievastopala prahałasavali na «refierendumie».
Adnak pa stanie na 1 listapada 2013 hoda, pavodle źviestak Upraŭleńnia statystyki Ukrainy ŭ Sievastopali, usio pastajannaje nasielnictva horada — 383 499 čałaviek, a prysutničaje na toj momant — 385 462 čałavieki.
«Na kaniec minułaha hoda nasielnictva Sievastopala skłała 385 462 čałavieki. Heta z ulikam dziaciej, jakija nie mieli prava hałasavać. 474 137 - 385 462 = 88 675 čałaviek vypadkova źjavilisia ŭ Sievastopali padčas refierendumu. 474 137/385 462 * 100 = 123% sievastopalcaŭ prahałasavali za ŭvachodžańnie ŭ skład Rasii… To bok pryjšli ŭsie — i dzieci, i školniki, i padazraju, što miortvyja», - adznačaje teh-nomad.
Całkam vierahodna, takuju ž «pahrešnaść» možna raspaŭsiudzić na ŭvieś Krym, adznačaje «Ukrajinśka pravda».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski19
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary