My — nie bałonki despata: fanaty niamieckaha «Šalkie» vystupili suprać sustrečy kamandy z Pucinym
Zaŭziatary niamieckaha futbolnaha kłuba «Šalkie» napisali adkryty list, adrasavany nahladalnaj radzie kłuba, z prośbaj praduchilić sustreču futbalistaŭ niamieckaha kłuba z prezidentam Rasii Uładzimiram Pucinym.
Raniej staršynia naziralnaj rady «Šalkie» Klemiens Tenis zajaviŭ, što Pucin u bližejšy čas moža sustrecca z hulcami kłuba z Hielzienkirchiena. Fanaty vystupili suprać hetaj inicyjatyvy ŭ suviazi z napružanymi adnosinami pamiž Rasijaj i Ukrainaj.
«My prosim, kab vy nie davali mahčymaść Pucinu sustrecca z kamandaj i chočam pierakanacca, što «Šalkie» publična dystancujecca ad Uładzimira Pucina.
«Šalkie» zasnoŭvajecca na demakratyčnych pohladach, i svaboda słova vielmi šanujecca nami. My nie pavinny pavodzić siabie jak bałonki despata, sprabujučy akulturyć jaho vizit. Uładzimir Pucin hruba parušyŭ suvierenitet Ukrainy», — havorycca ŭ liście zaŭziataraŭ.
Tenis, adkazvajučy na hety list zaŭziataraŭ, u svaju čarhu zaŭvažyŭ, što «adno nijak nie źviazana ź inšym. Palityku i ekanamičnyja adnosiny varta padzialać, jak heta zaŭsiody było ŭ adnosinach niamieckich i rasijskich kampanij».
«Šalkie», spansavany «Hazpromam» z 2007 hoda (kantrakt raźličany da 2017 hoda), atrymlivaje 15 miljonaŭ jeŭra ŭ hod ad rasijskaj kampanii.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary