Kiraŭnik MZS RF Siarhiej Łaŭroŭ zajaviŭ, što ciapier pastupaje infarmacyja ab padrychtoŭcy novych pravakacyj suprać Čarnamorskaha fłotu RF na terytoryi Ukrainy, paviedamlajuć ria.ru.
«Pastupaje infarmacyja ab padrychtoŭcy novych pravakacyj, u tym liku suprać Čarnamorskaha fłotu Rasijskaj Fiederacyi na terytoryi Ukrainy», — paviedamiŭ Łaŭroŭ, vystupajučy ŭ paniadziełak na siesii Rady pa pravach čałavieka AAN u Ženievie.
«U takich umovach zakonna abranyja ŭłady Kryma źviarnulisia da prezidenta Rasii z prośbaj akazać sadziejničańnie ŭ adnaŭleńni spakoju ŭ hetaj aŭtanomnaj respublicy. Zvarot u poŭnaj adpaviednaści z rasijskim zakanadaŭstvam byŭ nakiravany ŭ Saviet Fiederacyi. Saviet Fiederacyi padtrymaŭ dadzieny zvarot, jaki, my spadziajemsia, praćvieraziŭ radykałaŭ. Paŭtaru, havorka idzie ab abaronie našych hramadzian i suajčyńnikaŭ, ab abaronie samaha hałoŭnaha prava čałavieka — prava na žyćcio», — skazaŭ Łaŭroŭ.
«Tyja, chto sprabujuć traktavać biahučuju situacyju va Ukrainie ci ledź nie jak niejkuju ahresiju, pahražajuć raznastajnymi sankcyjami i bajkotam — heta tyja ž samyja našy partniory, jakija paśladoŭna i nastojliva zaachvočvali blizkija im palityčnyja siły da ultymatumu, admovy ad dyjałohu, da ihnaravańnia zakłapočanaściaŭ poŭdnia i uschodu Ukrainy i ŭ vyniku — da palaryzacyi ŭkrainskaha hramadstva», — dadaŭ kiraŭnik MZS RF.
Jak viadoma, u 1938-1939 hadach niamieckaja prapahanda vinavaciła čechaŭ i palakaŭ u pravakacyjach na miažy i abvinavačvała ich va ŭcisku niamieckamoŭnaha nasielnictva.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach1
Kamientary