Miescaachoŭnik UPC Maskoŭskaha patryjarchatu Anufryj źviarnuŭsia ź listom da kiraŭnika RPC Kiryła ź listom, u jakim zaklikaje nie dapuścić vajny Rasii z Ukrainaj:
Jaho Śviaciejšastvu, Śviaciejšamu Kiryłu, Patryjarchu Maskoŭskamu i ŭsioj Rusi
Vaša Śviaciejšastva!
Siońnia Ukraina pieražyvaje bieź pierabolšańnia samy ciažki momant u svajoj najnoŭšaj historyi. Paśla trochmiesiačnaha hramadska-palityčnaha kryzisu, kryvavaha supraćstajańnia ŭ samym centry Kijeva i hibieli dziasiatkaŭ ludziej, my apynulisia pierad jašče adnym nie mienš hroznym vyprabavańniem.
1 sakavika z vusnaŭ aficyjnych asob Rasijskaj Fiederacyi prahučali zajavy ab mahčymym uvodzie va Ukrainu abmiežavanaha kantynhientu rasijskich vojskaŭ. Kali heta zdarycca, ukrainski i rasijski narody apynucca ŭciahnutymi ŭ supraćstajańnie, jakoje budzie mieć katastrafičnyja nastupstvy dla našych krain.
Jak Miescaachoŭnik Kijeŭskaj mitrapolnaj kafiedry źviartajusia da Vas, Vaša Śviataść, z prośbaj zrabić usio mahčymaje, kab nie dapuścić kryvapralićcia na terytoryi Ukrainy. Prašu Vas uzvysić svoj hołas ab zachavańni cełasnaści terytoryi Ukrainskaj dziaržavy.
U hety ciažki čas my ŭznosim haračyja malitvy da Hospada našaha Isusa Chrysta, kab Jon pa malitvach Pračystaj Svajoj Maci, źbiaroh ad sutyknieńnia brackija rasijskija i ŭkrainskija narody».
Synoŭnie, Mitrapalit Čarnavicki i Bukavinski, Miescaachoŭnik Kijeŭskaj mitrapolnaj kafiedry.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary