ZŠA zaklikali Radu Biaśpieki AAN nakiravać u Ukrainu mižnarodnuju pasrednickuju misiju, paviedamiła pa zakančeńni nadzvyčajnaha pasiadžeńnia Rady biaśpieki AAN, jakoje adbyłosia ŭ piatnicu ŭ Ńju-Jorku i na jakim razhladałasia situacyja ŭ Krymie (Ukraina), ambasadarka ZŠA ŭ Radzie Biaśpieki AAN Samanta Paŭer.
«ZŠA zaklikali nakiravać u Krym nieadkładna mižnarodnuju pasrednickuju misiju, kab pačać deeskałacyju situacyi i praduktyŭny, mirny, palityčny dyjałoh siarod usich ukrainskich bakoŭ», — paviedamiła jana.
Adkazvajučy na pytańnie ab tym, jakoj budzie heta misija, S.Paŭer adznačyła važnaść taho, kab hetaja misija była «niezaležnaj, jakaja zasłuhoŭvaje davieru».
«My dumajem, što heta važna, kab misija była padčas kryzisu, jaki, jak vyhladaje, narastaje, a nie spadaje», — padkreśliła jana.
Akramia taho, ambasadarka adznačyła, što ZŠA «zaachvočvajuć ŭsich ukraincaŭ dasiahać svaich imknieńniaŭ z dapamohaj mirnaha dyjałohu i niehvałtoŭnych dziejańniaŭ». «U kambinacyi z namahańniami novaha ŭrada, ź nieabchodnaj mižnarodnaj dapamohaj dasiahnuć ekanamičnaha adnaŭleńnia i novaj nadziei dla budučyni», — ličyć S.Paŭer.
Jana taksama zapeŭniła, što ŭ hety «krytyčny momant dla budučyni Ukrainy i ŭkrainskaha narodu ZŠA — z ukrainskim narodam» i ŭkraincy pavinny sami «vyznačać svoj los, svoj urad, svaju budučyniu».
«My hłyboka zaniepakojenyja paviedamleńniami ab rasijskim vajennym razhortvańni ŭ Krymie. ZŠA zaklikali Rasiju advieści uzbrojenyja siły i dać mahčymaść ŭkrainskaha narodu praciahvać dalej sa svaim uradam stvarać svaju budučyniu i rabić heta svabodna biez bojazi. My zaklikajem usie dziaržavy pavažać suvierenitet Ukrainy», — zajaviła amierykanski pasoł.
U toj ža čas pradstaŭnik Rasii vystupiŭ suprać naviazanaha pasiarednictva dla ŭrehulavańnia situacyi vakoł Kryma. Pra heta pastajanny pradstaŭnik Rasii pry AAN Vital Čurkin zajaviŭ paśla nieaficyjnaj sustrečy ŭ Radzie Biaśpieki.
«Heta toje, što treba praanalizavać. Treba spytać ŭłady Kryma, što jany dumajuć pra takuju misiju. Ale my suprać naviazanaha pasiarednictva», — adznačyŭ jon.
Rasija zajaŭlaje, što dziejničaje va Ukrainie ŭ ramkach padpisanaj damovy ab prysutnaści Čarnamorskaha fłota Rasii, i admaŭlaje aznačeńnie «ahresija» ŭ dačynieńni da dziejańniaŭ rasijskich vajskoŭcaŭ. Heta vynikaje sa słovaŭ pasła Rasii ŭ Radzie Biaśpieki Vitala Čurkina: «U nas jość pahadnieńnie z Ukrainaj ab prysutnaści rasijskaha Čarnamorskaha fłota, i my dziejničajem u ramkach hetaha pahadnieńnia».
U cełym Rady Biaśpieki AAN vykazała padtrymku terytaryjalnaj cełasnaści Ukrainy, zaklikała ŭsie baki da palityčnaha dyjałohu i nahadała ab vykanańni mižnarodnych damovaŭ, u tym liku i Budapiešckaha miemarandumu.
Ab takoj pazicyi Rady Biaśpieki AAN paviedamiła pa jaje zakančeńni namieśnica pastajannaha pradstaŭnika Litvy ŭ Radzie Biaśpieki Ryta Kazrahienie. Litva ciapier staršyniuje ŭ hetaj arhanizacyi.
Voś tolki razumiejuć terytaryjalnuju cełasnaść niekatoryja krainy pa-svojmu.
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary