Łukašenka stvaryŭ rabočyja hrupy pa ŽKH i APK — Jakabsona i Miaśnikoviča

Alaksandr Łukašenka stvaryŭ rabočyja hrupy dla vyrašeńnia prablemnych pytańniaŭ u ŽKH i APK. Adpaviednyja rasparadžeńni Alaksandr Łukašenka padpisaŭ 4 lutaha.

Vyvučeńniem prablemnych pytańniaŭ u žyllova-kamunalnaj haspadarcy zojmiecca rabočaja hrupa pad kiraŭnictvam staršyni Kamiteta dziaržaŭnaha kantrolu Alaksandra Jakabsona.

U skład rabočaj hrupy ŭklučany kiraŭniki šeraha respublikanskich orhanaŭ dziaržaŭnaha kiravańnia, miascovych vykanaŭčych i rasparadčych orhanaŭ, a taksama kiraŭniki asobnych navukovych i prajektnych arhanizacyj, jakija viedajuć prablemy haliny.

Rabočaja hrupa pavinna vypracavać i realizavać kankretnyja prapanovy pa vyrašeńni prablemnych pytańniaŭ i dalejšym raźvićci žyllova-kamunalnaj haspadarki, u tym liku praz padrychtoŭku nieabchodnych prajektaŭ narmatyŭnych pravavych aktaŭ, nakiravanych na ŭdaskanaleńnie struktury kiravańnia, sistemy cenaŭtvareńnia ŭ žyllova-kamunalnaj haspadarcy, uparadkavańnie farmiravańnia sabiekoštu žyllova-kamunalnych pasłuh, pavyšeńnie jakaści pradastaŭlajemych pasłuh, raboty z nasielnictvam pa miescy žycharstva, efiektyŭnaści dziejnaści ŽKH.

Rabočaja hrupa maje prava pryciahvać da raboty kiraŭnikoŭ i śpiecyjalistaŭ respublikanskich orhanaŭ dziaržkiravańnia, abłvykankamaŭ, Minskaha harvykankama i inšych arhanizacyj, a taksama inšych asob, jakija majuć adpaviednuju kvalifikacyju i praktyčny vopyt.

Vyniki dziejnaści rabočaj hrupy buduć dałožany Łukašenku da 31 maja.

Dla vyrašeńnia prablemnych pytańniaŭ u ahrapramysłovym kompleksie sfarmiravana mižviedamasnaja rabočaja hrupa pad kiraŭnictvam premjer-ministra Biełarusi Michaiła Miaśnikoviča.

U składzie rabočaj hrupy - 26 čałaviek, u tym liku staršynia Prezidyuma NAN Biełarusi, namieśnik kiraŭnika spraŭ Prezidenta, staršyni Biełstata, Dziaržkammajomaści, kancerna «Biełdziaržcharčpram», minskich abłasnoha i rajvykankama, ministr sielskaj haspadarki i charčavańnia i jaho namieśnik, namieśniki ministra ekanomiki, finansaŭ, MUS, pa padatkach i zborach, hienieralnyja dyrektary ahrarnych navukova-praktyčnych centraŭ NAN Biełarusi, pradstaŭniki bankaŭ, viadomyja kiraŭniki pieradavych sielskahaspadarčych arhanizacyj i inšyja śpiecyjalisty.

Rabočaj hrupie daručajecca vypracavać kankretnyja prapanovy pa vyrašeńni prablemnych pytańniaŭ u APK, pierš za ŭsio pa pavyšeńni prybytku i rentabielnaści arhanizacyj sielskaj haspadarki, źnižeńni zapazyčanaści i niepłaciežazdolnaści haspadarak, sabiekoštu vytvorčaści pradukcyi, u pryvatnaści małaka i miasa, travianych karmoŭ, pavyšeńni efiektyŭnaści vykarystańnia asnoŭnych srodkaŭ i ich madernizacyi, raźvićci plemiannoj spravy i nasieńniavodstva, struktury pasievaŭ z ulikam śpiecyjalizacyi i jaje abhruntavanaści, pradukcyjnaści žyvioły, skaračeńnia raschodu karmoŭ na adzinku vyrablenaj pradukcyi, pa palapšeńni kadravaha zabieśpiačeńnia sielskahaspadarčych arhanizacyj.

Da 10 sakavika Łukašenku pavinny być pradstaŭleny kompleksny dakład ab raźvićci ahrapramysłovaha kompleksu i prajekty adpaviednych narmatyŭnych pravavych aktaŭ.

• 0
• 0
• 0
• 0
• 0
• 0
• 0
• 0