Havoračy ab spadzie rostu ekanomiki ŭ Biełarusi ŭ 2013 hodzie, Alaksandr Łukašenka vykazaŭ mierkavańnie, što jaho pryčynami źjaŭlajucca jak suśvietny kryzis, jaki zakranuŭ i rasijski, i jeŭrapiejski rynki — asnoŭnych handlovych partnioraŭ Biełarusi, tak i spad vytvorčaści ŭ suviazi ź niedaatrymańniem rasijskaj nafty dla zahruzki biełaruskich NPZ i ź situacyjaj u kalijnaj śfiery.
«Rasija abmiežavała pastaŭki nafty na našy zavody, niachaj niašmat, na paru-trojku miljonaŭ ton my atrymali mienš nafty», — skazaŭ jon. Što datyčycca śfiery kalijnych uhnajeńniaŭ, to tut niedaatrymana $1,5—1,7 młrd. «Heta tyja hrošy, jakich nam nie chapała, i ŭ naroda źjaviłasia niejkaja fobija, što budzie devalvacyja. Jakraz hetych hrošaj nie chapała», - adznačyŭ Prezident.
Alaksandr Łukašenka nahadaŭ, što papiarednija hady ekanomika Biełarusi pryrastała ŭ 9,8—11 pracentaŭ, jak Kitajskaja Narodnaja Respublika. «My joj navat nie ŭstupali, heta byŭ samy vysoki rost. Ja pabojvaŭsia pierahrevu ekanomiki. Ale my tady vielmi dobra pryrastali, dobra zajmalisia vytvorčaściu, praviali madernizacyju niekatorych bujnych pradpryjemstvaŭ, ad jakich ciapier zaležyć naša žyćcio. Šmat tady zrabili, šmat budavali, i budavali tanna, i zarpłata była nie mienšaj za $500. Heta byŭ šalony rost našaj ekanomiki. I my na siońniašni dzień užo bolš jak u dva razy pieraŭzyšli ŭzrovień savieckaha pieryjadu, adzinaja postsavieckaja respublika.
Paśla takich šalonych tempaŭ, zrazumieła, nadychodzić niejki spad, va ŭsich dziaržavach, i nam treba było pierachodzić nie prosta na abjomny rost ekanomiki, a na jakasny rost. Ale vielmi škada, što heta supała z druhoj chvalaj kryzisu ŭ asnoŭnych našych partnioraŭ», — skazaŭ jon.
Kiraŭnik dziaržavy ličyć, što, navat kali b nie było suśvietnaha kryzisu, u ekanomicy Biełarusi naziraŭsia b spad.
«My dasiahnuli niejkaha maksimumu ŭ raźvićci našych pradukcyjnych sił i addačy ad ich. I my budziem raści, napeŭna, da 5 pracentaŭ, naŭrad ci my dabavim bolš, tamu što ŭ asnoŭnym u nas apracoŭčaja pramysłovaść, i kali my šmat pryrastajem, pa impartu daviadziecca šmat zakuplać. Ci varta heta rabić? My znajšli niejkuju raŭnadziejnuju», — skazaŭ Łukašenka. U toj ža čas jon pryznaŭ, što ŭ minułym hodzie było ažyćcioŭlena niapravilnaje płanavańnie.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary