«Hetych srodkaŭ chapiła b na nie adnu aŭtamahistral albo na niekalki sučasnych paliklinik», – miarkuje palityk.
Takuju zajavu zrabiŭ lider Ruchu «Za svabodu», kamentujučy prodaž dziaržaŭnaha pakietu akcyj zamiežnaha pryvatnaha ŭnitarnaha pradpryjemstva «Mabilnaja ličbavaja suviaź» (handlovaja marka Velcom) kampanii Telekom Austria.
«Siońnia ŭ Biełarusi razhortvajecca praces bieskantrolnaj pryvatyzacyi. Dziela taho, kab zatknuć dzirki ŭ biudžecie, vyklikanyja pravałam dziaržaŭnaj ekanamičnaj palityki, z małatka puskajucca najbolš pryvabnyja aktyvy našaj dziaržavy», – miarkuje eks‑kandydat u prezydenty Alaksandar Milinkievič.
Palityk źviartaje ŭvahu na toje, što biełaruskaje hramadztva ź vialikaj zaniepakojenaściu «naziraje za faktami nieprazrystaha i nikim nie kantralavanaha prodažu dziaržaŭnych pradpryjemstvaŭ i pakietaŭ akcyjaŭ».
«Prodaž dziaržaŭnaha pakietu akcyjaŭ UP «Mabilnaja ličbavaja suviaź» (Velcom) adbyvaŭsia za začynienymi dźviaryma i nanios škodu biudžetu našaj krainy ŭ pamiery da 400 miljonaŭ dalaraŭ. Hetych srodkaŭ chapiła b na nie adnu aŭtamahistral albo na niekalki sučasnych paliklinik. Tym nie mienš, režym pajšoŭ na absalutna nieprazrystuju schiemu prodažu majomaści biełaruskaha narodu biez sprobaŭ navat imitacyi adkrytaha tenderu».
«Takaja pryvatyzacyja viadzie da pramych strataŭ dla biudžetu, a značyć dla kožnaha hramadzianina Biełarusi. Robicca vidavočnaj niazdolnaść siońniašnich uładaŭ efiektyŭna rasparadžacca dziaržaŭnaj ułasnaściu i vykarystoŭvać jaje ŭ intaresach usioj krainy, a nie asobnych uładnych hrupovak», – padkreśliŭ Alaksandar Milinkievič.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary