Rasijskaje kiraŭnictva razharnuła biesprecedentnuju vajnu za Kijeŭ pavodle «hruzinskaha» scenara.
Pra heta ŭ svajoj kałoncy na «Echo Moskvy» napisaŭ były daradca Pucina Andrej Iłaryjonaŭ, piša «Ukrainskaja praŭda».
Pavodle jaho słoŭ, «letam 2013 suprać Ukrainy była razhornuta poŭnamaštabnaja vajna novaha typu — mytnaja, sanitarnaja, hazavaja, prapahandysckaja».
Vynikam hetaha stała toje, što padpisańnie Pahadnieńnia ab asacyjacyi ź ES u Vilni było sarvana, i na Uschodzie i Poŭdni Ukrainy pačućci da jeŭraintehracyi pačali pakrysie «astyvać».
Iłaryjonaŭ pierakonvaje, što hetyja rehijony byli ŭspryniatyja ŭ Kramli jak mahčymy płacdarm dla praviadzieńnia asiacinska-abchazskaha scenara.
«Kali tolki jon abaznačyŭsia, nieadkładna byŭ zapuščany tezis ab «raskole» i navat pra «tektaničny raskoł» va Ukrainie», — tłumačyć eks-daradca Pucina.
Pavodle jaho słoŭ, «tady ŭ boj byli kinutyja novyja prapahandysckija i inšyja siły, a ŭ Maskvie pačałosia śpiešnaje farmavańnie ŭdarnaha nastupalnaha złučeńnia infarmacyjnych vojnaŭ novaha stahodździa — ahresiŭnaha prapahandysckaha monstra «Rasija siońnia». I
Iłaryjonaŭ papiaredžvaje, što dalej Rasija moža źviarnucca da tych ža krokaŭ, što i ŭ Hruzii.
Siarod ich jon nazyvaje stvareńnie antyjeŭrapiejskich «płacdarmaŭ», uviadzieńnie ich u kanfrantacyju z astatniaj krainaj i vykarystańnie hetych «supiarečnaściaŭ» dla destabilizacyi situacyi.
Paśla hetaha, pa słovach Iłaryjonava, moža rušyć uśled zryŭ jeŭraintehracyi i «barderyzacyja «zachoplenych płacdarmaŭ».
Eks-daradca papiaredžvaje, što «čym bolš žorstkim budzie supraćstajańnie pradstaŭlenych u kanflikcie ŭkrainskich bakoŭ, čym bolš u im budzie vykazana ŭzajemnych abvinavačvańniaŭ i abraz, čym bolš praljecca kryvi … tym lahčej budzie jaje (Ukrainu) «padviesić» na doŭhačasovy kručok pa-majstersku spravakavanaha ŭnutryŭkrainskaha kanfliktu».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski30
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary