Pavodle nieaficyjnych źviestak, u sudzie Kastryčnickaha rajona Minska zabarykadavaŭsia sudovy vykanaŭca, jakoha sprabujuć aryštavać. Pra heta paviedamiŭ pravaabaronca, były śledčy Aleh Vołčak sa spasyłkaj na infarmavanuju krynicu.
Pavodle najaŭnaj infarmacyi, sudovaha vykanaŭcu pryjšli aryštoŭvać. «Jon nie zhodny z hetaj situacyjaj, zabarykadavaŭsia ŭ sudzie, rvie płakaty, znachodzicca ŭ isterycy, patrabuje žurnalistaŭ», — skazała krynica.
U pryjomnaj suda Kastryčnickaha rajona BiełaPAN zajavili, što im ničoha nieviadoma, a staršy sudovy vykanaŭca Kaciaryna Słabkievič śćviardžaje, što ŭ sudzie «rabočaja abstanoŭka» i «ničoha nie adbyvajecca».
Miž tym krynica ŭ pravaachoŭnych orhanach paćvierdziła, što ŭ sudzie Kastryčnickaha rajona pravodzicca apieracyi pa zatrymańni. Padrabiaznaści nieviadomyja.
Pavodle infarmacyi, raźmieščanaj na sajcie hałoŭnaha ŭpraŭleńnia justycyi Minharvykankama, u sudzie Kastryčnickaha rajona pracujuć 13 sudovych vykanaŭcaŭ, uklučajučy čatyroch staršych sudovych vykanaŭcaŭ. Piaciora ź ich — mužčyny.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary