U Hrodnie baćkoŭ, što pišuć na asfalcie i ścienach kala radzilni, buduć štrafavać
Štraf — da 6,5 miljonaŭ rubloŭ.
Udziačnyja taty zmalavali ŭvieś asfalt pad voknami abłasnoha pierynatalnaha centra. U lačebnaj ustanovie vymušany prymać miery, piša «Hrodzienskaja praŭda».
Tablički, jakija zabaraniajuć pisać na asfalcie, na terytoryi pierynatalnaha centra ŭstalavany daŭno. Ale na takija papiaredžańni, padobna, ščaślivyja baćki nie źviartajuć uvahi. Vykazać «padziaku» na asfalcie stała svajho rodu tradycyjaj. I hałaŭnym bolem dla lačebnaj ustanovy.
Dobra, kali ŭ maładoha taty ŭ rukach tolki kalarovyja krejdy. Ale ž uzbrojvajucca i farbaj, nakładvajučy «padziaki» adna na adnu. Takoje pačućcio, što i ŭ pamierach nadpisaŭ idzie sakretnaje spabornictva. Adno tvareńnie było nastolki vialikaje, što kiraŭnictva centra źviarnułasia ŭ milicyju.
Učastkovy skłaŭ akt, i zaraz «dziakuj za spadkajemcu» moža abyjścisia aŭtaru nadpisu da piacidziesiaci bazavych vieličyń (6,5 młn rubloŭ). Heta ŭ adpaviednaści z zakanadaŭstvam. Bo nadpis na tratuarnaj plitcy rasceńvajecca jak naŭmysnaje paškodžańnie majomaści.
Hałoŭny lekar Uładzimir Źviarko u hutarcy z karespandentam «HP» zapeŭniŭ, što kalektyŭ pierynatalnaha centra taksama radujecca źjaŭleńniu na śviet kožnaha dziciaci i padzialaje radaść baćkoŭ.
Ale heta nie słužyć apraŭdańniem dla tych, chto dadaje kłopataŭ rabotnikam centra. Ujavicie, u što pieratvaryłasia b terytoryja pad voknami, kali b nadpisy nie prybirali.
Časam soramna za niekatorych «piśmieńnikaŭ», zusim nie daśviedčanych u arfahrafii. Dva-try słovy i stolki ž pamyłak!
Apošnim časam vycieśnienyja z terytoryi centra taty pieramiaścilisia na haradski tratuar. A kab mamy z voknaŭ zmahli razhladzieć «padziaki», šryft pavialičvajuć.
Kiraŭnictva radzilni ŭžo nakiravała z hetaj nahody zajavy ŭ milicyju i Śpiecaŭtahaspadarku. Novaśpiečanych ža baćkoŭ prosiać vykazvać svaje emocyi inšym sposabam. Bałazie takich mahčymaściaŭ, jakija paciešać žančyn i nikomu nie naškodziać, dastatkova.
Kamientary