23, 24 i 25 listapada abvieščany dniami žałoby ŭ Łatvii, infarmuje Delfi.
Jak paviedamlałasia, u čaćvier viečaram u stalicy Łatvii, u handlovym centry Maxima, što na vuł. Predajnies, 20, abvaliŭsia dach. Nieŭzabavie paśla pačatku vyratavalnych rabot abvaliłasia jašče adna častka ściany.
Pavodle apošniaj infarmacyi, zahinuli 45 čałavieki, siarod ich — troje ratavalnikaŭ i troje rabotnikaŭ. Kala 40 čałaviek mohuć jašče znachodzicca pad zavałami.
Padčas trahiedyi paciarpieła i zahinuła šmat baćkoŭ ryžskich školnikaŭ, zajaviŭ siońnia na pazačarhovym pasiadžeńni ŭrada ministr adukacyi i navuki Viačasłaŭ Dambroŭski.
Tak, školnik adnoj z himnazij straciŭ abodvuch baćkoŭ.
Inśpiekcyja pa abaronie pravoŭ dziaciej źbiraje ŭ dziciačych sadkach i škołach dadzienyja pra dziaciej, jakim patrebna dapamoha. Znojdzienyja pryjomnyja siemji, jakija mohuć dać prytułak dzieciam.
Kamientary