U Litvie pašyrajecca ruch «žemajtaŭ» abo «žmudzi». Na hetym tydni inicyjatyŭnaja hrupa zajaviła pra stvareńnie Žmudzkaj palityčnaj partyi.
U Litvie pašyrajecca ruch «žemajtaŭ» abo «žmudzi». Na hetym tydni inicyjatyŭnaja hrupa zajaviła pra stvareńnie Žmudzkaj palityčnaj partyi.
Biełaruskamu čytaču słova «žmudź» viadomaje z historyi Vialikaha Kniastva Litoŭskaha — siaredniaviečnaj bałta‑słavianskaj dziaržavy, kudy ŭvachodziła Biełaruś i dzie biełaruskaja mova była dziaržaŭnaj. Pavodle historykaŭ, narodnaść, jakaja tady nazyvałasia «žmudź», stała ŭ dalejšym asnovaj sučasnaj litoŭskaj nacyi.
Jak paviedamlajecca ŭ zajavie inicyjatyŭnaj hrupy, budučaja žmudzkaja partyja budzie imknucca praz abranych pradstaŭnikoŭ uradu i samaŭradaŭ pravodzić takuju palityku kiravańnia krainaj, jakaja b harantavała ekanamičnaje j sacyjalnaje raźvićcio Žmudzi, uzmacniała vieru žmudzinaŭ u siabie, a taksama zachoŭvała žmudzkuju histaryčnuju j kulturnuju spadčynu.
Treba skazać, što nia ŭsie ŭ Litvie j navat siarod žemajtaŭ padtrymlivajuć hetuju ideju. Naprykład, hałoŭnaja redaktarka časopisa «Žemaičių žemė» («Žmudzkaja ziamla») Danuta Mukienie zajaviła žurnalistam: «Ja liču, što palityčnyja partyi nielha stvarać na etničnaj padstavie. Ja nie prychilnica takoj partyi j nie chaču mieć ź joj ničoha supolnaha».
Ustanoŭčy schod novaj partyi maje adbycca ŭ listapadzie.
Kab acanić maštab i charaktar hetaj padziei dla Litvy, dastatkova ŭjavić sabie, što ŭ Biełarusi zahavaryli b pra vyłučeńnie ŭ asobnuju nacyjanalnaść kryvičoŭ, jakija paśla damahalisia b stvareńnia Kryvickaj partyi. Zrazumieła kožnamu, što ŭ siońniašniaj Biełarusi takija «ekzatyčnyja» inicyjatyvy perspektyvy nia majuć, bo navat samyja zvyčajnyja hramadzkija arhanizacyi likvidujucca, a stvareńnie novych zamarožana na nieakreśleny čas.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy79
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary