U Homielskim abłasnym sudzie prachodzić słuchańnie kryminalnaj spravy pa dvajnym zabojstvie.
Nahadajem, u śniežni 2012 hoda ŭ pryvatnym domie ŭ Homieli byli znojdzieny trupy 45-hadovaha pradprymalnika i jaho stareńkaj maci. Vyśvietliłasia, što jany nie zahinuli padčas pažaru, a byli zabityja. Abvinavačvanyja ŭ złačynstvie — syn biźniesmiena i znajomy maładoha čałavieka.
Biźniesmien zajmaŭsia prakatam aŭtamabilaŭ, u jaho ŭłasnaści znachodziłasia šeść darahich inšamarak.
Mužčyna byŭ u razvodzie z žonkaj i žyŭ razam z maci. A 20-hadovy biespracoŭny syn kamiersanta časova žyŭ u Branskaj vobłaści Rasii, časta naviedvaŭ Homiel. Małady čałaviek byŭ dzidžejem i ładziŭ viečarynki, u tym liku ŭ homielskich kłubach.
Pavodle infarmacyi śledstva, chłopiec kanfliktavaŭ z baćkam z-za taho, što toj mała dapamahaje jamu hrašyma.
Tamu jon vyrašyŭ zakazać zabojstva baćki, kab atrymać pa spadčynie aŭtamabili, jakija płanavaŭ pradać. Pra zabojstva za 10 tysiač dalaraŭ jon damoviŭsia sa svaim biespracoŭnym 20-hadovym pryjacielem.
U adnu z načej u kancy listapada pryjaciel dzidžeja pranik u dom biźniesmiena, adčyniŭšy dźviery klučami jaho syna. Pradprymalnik pračnuŭsia i sprabavaŭ adbicca ad zabojcy, ale pry dapamozie małatka i inšych srodkaŭ małady čałaviek zabiŭ mužčynu i jaho maci.
Trupy schavaŭ u bahažniku aŭtamabila, jaki stajaŭ u dvary doma. Svajakoŭ u siamji ŭ Homieli nie było, tamu hibiel biźniesmiena i jaho maci nichto nie zaŭvažyŭ. Na praciahu niekalkich dzion vykanaŭca zabojstva zachodziŭ u dom da svaich achviar i kraŭ ich rečy. Praź dziesiać dzion paśla zabojstva pieranios trupy nazad u dom i padpaliŭ jaho, sprabujučy insceniravać pažar.
Zatrymany syn pradprymalnika nie pryznaŭ svaju vinu padčas śledstva, na sudovym pracesie jon taksama pakul admaŭlaje svajo dačynieńnie da zabojstva. A vykanaŭca złačynstva i śledstvu, i sudu paćvierdziŭ asnoŭnuju viersiju.
Pavodle słoŭ abvinavačvanaha ŭ zabojstvie, paśla taho jak pranik u dom, jon spačatku ŭdaryŭ biźniesmiena małatkom, ale toj nie ŭpaŭ i ŭstupiŭ u baraćbu sa złačynstvam.
Na kryki vyjšła maci mužčyny, jakaja pryniesła z saboj butelku šampanskaha, jak miarkujecca, kab udaryć chłopca.
Ale toj vychapiŭ butelku i zabiŭ joju spačatku biźniesmiena, a potym i jaho maci. Pavodle słoŭ złačyncy, nieŭzabavie na miesca zabojstva pryjechaŭ syn mužčyny i zabraŭ niekatoryja rečy.
Sud praciahniecca 17 kastryčnika dopytam abvinavačvanaha ŭ saŭdziele ŭ zabojstvie dzidžeja.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary