Šviedy-miedźviedziroŭščyki prapanavali Łukašenku kupić u ich samalot
Draŭlany samalot, na jakim byŭ ździejśnieny palot u Biełaruś, vystaŭleny na prodaž na virtualnym aŭkcyjonie eBay
Tumas Mazeci, švedzki pilot, jaki 4 lipienia letaś skinuŭ na Biełaruś «miadźviedžy desant», paviedamlaje, što draŭlany samalot, na jakim jon ździejśniŭ toj palot razam sa svajoj budučaj žonkaj Hannaj Linaj Frej, vystaŭleny na prodaž na virtualnym aŭkcyjonie eBay, paviedamlaje radyjo «Svaboda».
Startavaja cana samalota: 1 amerykanski dalar. U aŭkcyjonie moža ŭziać udzieł kožny, chto projdzie standartnuju praceduru rehistracyi na hetym aŭkcyjonnym sajcie.
Tumas Mazeci taksama paviedamlaje, što hrošy za prodaž samalota pojduć na padtrymku «zmaharoŭ za pravy čałavieka ŭ Biełarusi».
U iraničnym dadatku da svajho paviedamleńnia švedzki pilot i reklamny admysłoviec Tumas Mazeci prapanuje kupić samalot Alaksandru Łukašenku, kab «vartaja miljardy dalaraŭ biełaruskaja pavietranaja abarona mahła papraktykavacca ŭ vykryvańni draŭlanych samalocikaŭ».
Nahadajem, što adnamatorny samalot sa švedzkim ekipažam i ź plušavymi miadźviedzikami na borcie pierasiek pavietranuju miažu Biełarusi ranicaj 4 lipienia.
Prykładna paŭtary hadziny jon pravioŭ u pavietranaj prastory krainy. Za hety čas jon skinuŭ nad Iviancom i ŭskrainaj Miensku bolš za 800 cacak z nadpisami ŭ padtrymku demakratyi ŭ Biełarusi.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2121
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»21
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary